Neena Kulkarni यांना नाट्य परिषदेचा जीवनगौरव पुरस्कार जाहिर

अखिल भारतीय मराठी नाट्य परिषदेने २०२५ चे पुरस्कार जाहिर केले आहेत. रंगभूमीवर अविरतपणे काम करणाऱ्या कलावंतांचा गौरव केला जातो. यावर्षी ज्येष्ठ अभिनेत्री नीना कुळकर्णी (Neena Kulkarni) आणि ज्येष्ठ अभिनेते सुरेश साखवळकर यांना जीवनगौरव पुरस्कार प्रदान करण्यात येणार आहेत. (Entertainment)

मराठी नाट्य, चित्रपट आणि मालिकाविश्वात ४० वर्षांपेक्षा अधिक काळ प्रेक्षकांच्या मनावर अधिराज्य घालवणाऱ्या ज्येष्ठ अभिनेत्रीनीना कुळकर्णी (Neena Kulkarni) सध्या ‘असेन मी… नसेन मी…’ या नाटकात महत्वाची भूमिका साकारत आहेत. नीना कुळकर्णी यांनी ‘मोगरा फुलला’, ‘बायोस्कोप’, ‘बादल’ हंगामा’ यांसारख्या अनेक चित्रपटांमध्ये भूमिका साकारत प्रेक्षकांच्या मनात स्वतःचं अढळ स्थान निर्माण केलं आहे. याशिवा, त्यांनी ‘ये हे मोहब्बतें’, ‘देवयानी’ यांसारख्या मालिकांमध्ये काम केलं आहे. नीना कुळकर्णी यांनी १९८० मध्ये अभिनेते दिलीप कुलकर्णी यांच्यासोबत लग्न केलं. मात्र, मुलांच्या जन्मानंतर काही वर्षातच दिलीप यांचं निधन झालं. अशातच पतीच्या निधनानंतर नीना यांचं आयुष्य कसं बदललं आणि त्यानंतर पुन्हा अभिनयक्षेत्रात कायम काम करत राहण्याचा त्यांनी निर्णय घेतला होता. (Marathi entertainment news)

आरपार या युट्यूब चॅनलला दिलेल्या मुलाखतीमध्ये पतीच्या निधनानंतर त्यांनी दोन मुलांना कसं वाढवलं आणि काम केलं हे सांगताना नीना म्हणाल्या की, “दिलीप हार्ट डिसीजने आजारी पडले आणि त्याच्यानंतर त्यांचं निधन झालं. पण ते असतानाच माझ्या लक्षात आलं की, आता मला काम सिरियसली घ्यायला पाहिजे. ऑफर्स माझ्याकडे येत होत्या त्यामुळे चालून जायचं. दिलीप आणि माझ्यामध्ये,मला जास्त फॅन्सी गोष्टी घ्यायच्या असायच्या.दिलीप आजरी पडल्यानंतर माझ्या सगळं लक्षात आलं. मग जाहिराती आल्या. ते करत गेले. कारण आधी असं व्हायचं मला नाही एखादी भूमिका आवडली तर मी ती नाही करायचे. पण आता तसं नव्हतं. जोपर्यंत दिलीप गेले तोपर्यंत माझ्याकडे खूप काम नव्हतं आणि हिंदी चित्रपटात माझा जम बसत होता तेव्हा त्यांना कळलं की, She Lost Her Husband तेव्हा माझ्या दोन फिल्म्स गेल्या होत्या. की, आता ती कामच करणार नाही. गृहीतच धरतात ना! तिथे हे स्त्री-पुरुष जरा जास्त आहे, असं माझ्या तेव्हापासून लक्षात आलं, आणि पुढे मी जिद्दीने काम करतच राहिले”.(Bollywood)

================================

हे देखील वाचा: Amitabh Bachchan : ….आणि नीना कुळकर्णींसाठी संपूर्ण टीमला बच्चन साहेबांनी समजावलं!

=================================

दरम्यान, नीना कुळकर्णी यांच्या कामाबद्दल बोलायचं झालं तर, ‘हमीदाबाईची कोठी’, ‘ध्यानीमनी’, ‘छापा-काटा’, ‘वाडा चिरेबंदी’ अशा दर्जेदार नाटकांमध्ये त्यांनी कामं केली आहेत. याशिवाय ‘सवत माझी लाडकी’, ‘आधारस्तंभ’, ‘उत्तरायण’ या मराठी चित्रपटातही उल्लेखनीय कामं केली आहेत. (Neena Kulkarni)