रणबीर कपूरचे रक्ताने माखलेले फोटो पाहून नेटकरी ही घाबरले…
संदीप रेड्डी वांगा यांचा रणबीर कपूर, रश्मिका मंदाना, अनिल कपूर स्टारर अॅनिमल हा चित्रपट गेल्या वर्षी डिसेंबरमध्ये प्रदर्शित झाला होता. या चित्रपटाला भरभरून प्रतिसाद मिळाला. काहींनी त्याचे कौतुक केले, तर काहींनी टीका केली. आता हेअर स्टायलिस्ट अलीम हकीमने इन्स्टाग्रामवर रणबीरचे अजीज ऑफ अॅनिमलच्या भूमिकेतील न पाहिलेले फोटो शेअर केले आहेत. हे फोटो शेअर करत त्याने लिहीले आहे की, ”अॅनिमलमध्ये अजीजच्या भूमिकेत रणबीर कपूर, ‘अजीज’ इंट्रो शूटच्या दिवशी मी अॅनिमल चित्रपटाच्या सेटवर क्लिक केलेले हे काही फोटो आहेत आणि या फोटोंमध्ये माझ्यासाठी सर्वात चांगली गोष्ट म्हणजे रणबीरच्या डोळ्यात तुम्ही पाहू शकता.”(Blood stained pictures of Ranbir Kapoor)
अलीम हकीमने पुढे लिहीले आहे की, ‘या चित्रपटाचा लूक माझ्या हृदयाच्या खूप जवळ असेल. मला आठवतंय जेव्हा शूटिंग संपल्यानंतर रणबीर माझ्या शेजारी बसला होता, तेव्हा मी त्याला विनंती केली होती की मला काही फोटो काढण्याची परवानगी द्या कारण फोटोग्राफरला काही तातडीच्या कामामुळे कुठेतरी जायचं होतं.” त्याने पोस्टचा शेवट करताना लिहिले की, “अॅनिमलमधील रणबीरच्या सर्व लूकला प्रेक्षकांनी खूप प्रेम दिले आहे आणि अझीझच्या व्यक्तिरेखेने खूप प्रभाव पाडला आहे. एक सर्जनशील व्यक्ती म्हणून आपल्या सर्वांमधून सर्वोत्कृष्ट गोष्टी बाहेर आणण्याचे श्रेय दिग्दर्शक संदीप वांगा रेड्डी यांना जाते.”
‘अॅनिमल’ सिनेमाने सगळीकडे खळबळ उडवून दिली होती. या चित्रपटाचे दिग्दर्शन संदीप रेड्डी वांगा यांनी केले होते. या चित्रपटाने बॉक्स ऑफिसवर विक्रम मोडत यशाची शिखरे गाठली होती. आणि या चित्रपटात रणबीरला एका वेगळ्या अवतारात पाहून चाहते आश्चर्यचकित झाले होते. ‘अॅनिमल’मध्ये रणबीरचे दमदार अभिनयाबरोबरच विविध प्रकारचे लूकही होते, त्यातील काही लूक खूप चकीत करणारे ही होते. आता रणबीरचे हे अनसीन फोटो पाहून त्याच्या चाहत्यांनी त्यावर कमेंट्सचा वर्षाव करायला सुरुवात केली आहे.(Blood stained pictures of Ranbir Kapoor)
================================
हे देखील वाचा: आमिर खानचा मुलगा जुनैद खानचा पहिला चित्रपट ‘महाराज’चा फर्स्ट लूक रिलीज
================================
या सिनेमाचे दिग्दर्शक संदीप रेड्डी वांगा यांच्याबद्दल बोलायचे झाल्यास प्रभासच्या स्पिरिटनंतर संदीप रेड्डी वांगा अॅनिमल पार्कच्या शूटिंगला सुरुवात करणार आहे. तसेच अॅनिमलच्या अनेक प्रमुख व्यक्तिरेखाही अॅनिमल पार्कचा भाग असतील.रणबीर कपूर, रश्मिका मंदाना आणि तृप्ती डिमरी आपापल्या भूमिकेत दिसणार आहेत. सिक्वेलसाठी अजूनही कागदोपत्री काम सुरू आहे. ज्यात आणखी अनेक नव्या पात्रांचा समावेश होण्याची शक्यता आहे.
