अखेर त्या दोघांची घरवापसी झालीच! Nilesh Sable आणि भाऊ कदम झी मराठीवर परतले
२०२५ या वर्षात बऱ्याच जुण्या जाणत्या कलाकारांनी इंडस्ट्रीत कमबॅक केलं आहे… अशातच मराठीतील २ विनोदवीर फायनली छोट्या पडद्यावर पुन्हा एकदा एकत्र परतणार आहेत… सलग १० वर्ष आपल्या भन्नाट कॉमेडीने लोकांचं मनोरंजन करणाऱ्या या दोघांचा ‘आता कमबॅक होणार’ असं म्हणत पुनरागमनाचा व्हिडिओ झी मराठी वाहिनीच्या सोशल मिडियावर शेअर करण्यात आला होता.. आणि आता याचं उत्तर आपल्याला मिळालं असून ते २ कलाकार दुसरे तिसरे कोणी नसून भाऊ कदम आणि डॉ. निलेश साबळे आहेत.
गेल्या २ वर्षांपासून निलेश साबळे छोट्या पडद्यापासून लांब होता… इतकंच नाही तर निलेश साबळे आणि भाऊ कदम यांच्यात वाद विवाद झाल्याच्या चर्चाही रंगल्या होत्या… अशातच निलेशनं झी मराठीवरून दुसऱ्या वाहिनीवर उडी घेतल्यानंतर वाहिनीशीही काही मतभेद झाल्याचं म्हटलं गेलं होतं आणि त्यामुळे पुन्हा निलेश झी मराठीवर येणार नसल्याचंही काही जणांनी म्हटलं होतं… (Nilesh Sabale & Bhau Kadam)
मात्र, या सगळ्या अफवांना मोडून काढत डॉ. निलेश साबळे आणि भाऊ कदम हे दोन विनोदवीर पुन्हा एकदा एकत्र एका कार्यक्रमात दिसणार आहेत. दोघांचा एक नवीन प्रोमो सोशल मीडियावर शेअर करण्यात आलाय. प्रेक्षक पण करत आहेत wait..कधी होणार या दोघांची भेट? असं कॅप्शन या प्रोमोला देण्यात आलं आहे… प्रोमोत निलेश साबळेच्या हातात आरतीचं ताट असून, तो देव-देवतांच्या मूर्तीसमोर पूजा करताना दिसतोय. तर दुसरीकडे भाऊ कदम निलेशच्या घराकडे येण्यासाठी आतुर झालेला दिसतोय. या व्हिडिओच्या बॅकराऊंडला कभी खुशी कभी गममधील संगीत वाजताना दिसतंय. मजेशीर अशा या प्रोमोनं प्रेक्षकांची उत्सुकता आणखी वाढवली आहे.
================================
================================
दरम्यान, ‘ उगाच अॅवॉर्ड्स’ या झी मराठीवरील आगामी सोहळ्याचं ते सूत्रसंचालन करणार असल्याचं सांगितलं जात आहे… यात सर्वोत्कृष्ट रडूबाई, सर्वोत्कृष्ट लोटपोट सीन, सर्वोत्कृष्ट कानाखाली जाळ, सर्वोत्कृष्ट चाबूक डायलॉग, सर्वोत्कृष्ट ढिशूमढिशूम, सर्वोत्कृष्ट इलुइलू असे अनेक गमतीशीर पुरस्कार या सोहळ्यात दिले जाणार असल्याचंही म्हटलं जातंय… आता नेमका तो कार्यक्रम कोणता असेल याकडे प्रेक्षकांचं लक्ष लागलं आहे…
Get Latest Marathi Entertainment update | Movies Reviews in Marathi | Celebrities Update in Marathi