Prasad Oak प्रसाद ओकने लिहिले मुख्यमंत्री देवेंद्र फडणवीसांना पत्र

पूर्वीच्या काळी दूरवरच्या लोकांशी संपर्क साधण्याचे आणि त्यांच्याशी संपर्कात राहण्याचे महत्वाचे आणि एकमेव साधन होते पत्र. एकमेकांच्या पत्त्यावर पात्र पाठवून त्यांची खुशाली जाणून घेतली जायची. मात्र काळ बदलला आणि पत्राची जागा फोन, मोबाइलने घेतली. पत्र काळानुरूप मागे पडले. पण आजही अनेक ठिकाणी हे पत्र परंपरा चालू आहे. (Entertainment mix masala)

पण सध्या मराठी मनोरंजनविश्वामधे आजच्या आधुनिक काळात पत्र पुन्हा एकदा चर्चेत आले आहे. अनेक कलाकार विविध लोकांना पत्र लिहीत आपल्या भावना व्यक्त करताना दिसत आहे. अशातच मराठी सिनेविश्वातील प्रसिद्ध अभिनेता, दिग्दर्शक, निर्माता असलेल्या प्रसाद ओकने (Prasad Oak) देखील एक पत्र लिहिले आहे. सध्या प्रसादचे पत्र कमालीचे गाजत आहे. याचे कारण म्हणजे त्याने पत्र थेट महाराष्ट्र राज्याचे मुख्यमंत्री असलेल्या देवेंद्र फडणवीस यांना लिहिले आहे. (Prasad Oak)

View this post on Instagram

A post shared by Swaroup studio’ss LLP (@swaroupstudiossllp)

प्रसादने त्याच्या पत्रामध्ये लिहिले, “माननीय मुख्यमंत्री महोदय महाराष्ट्र राज्य, मराठीमध्ये अनेक नवनवीन चित्रपट निर्माण होत आहेत. पण प्रत्येक मराठी चित्रपटाला मोठ्या निर्मात्याचा किंवा मोठ्या स्टुडिओचे पाठबळ मिळत नाहीये. अशावेळी त्या चित्रपटाला गरज असते ती चांगल्या उत्तम थिएटरमध्ये प्राईम टाईमच्या शोची. असे शो जर या चित्रपटाला मिळाले तर त्याचा फायदा होऊ शकतो. आर्थिक नुकसान होण्यापासून हे असे चित्रपट निर्माते वाचू शकतात. (Social News)

या विषयावर वारंवार बोलणं झालं…तक्रारी झाल्या. पण यावर अजूनही ठोस असा उपाय निघाल्याचं दिसत नाही. या विषयावर वारंवार बोलणं झालं, तक्रारी झाल्या पण यावर ठोस असा उपाय अजूनही निघालेला दिसत नाहीये. आपण मराठीचे चाहते आहात, मराठी वर निस्सिम प्रेम करणारे आहात. आपल्या हक्काच्या महाराष्ट्रामध्ये, आपल्या हक्काच्या मराठी सिनेमाला वारंवार ही मागणी का करावी लागते? याची खंत वाटते. आपण यावर त्वरित कायमचा तोडगा काढाल याची खात्री वाटते. उत्तराच्या प्रतीक्षेत कलासृष्टीचा नम्रसेवक.
प्रसाद ओक.”

दरम्यान येत्या ३१ जानेवारी २०२५ रोजी मुक्काम पोस्ट देवाचे घर हा चित्रपट प्रेक्षकांच्या भेटीला येतोय. आपल्या जवळच्या सिनेमागृहात हा चित्रपट चाहत्यांना पाहता येणार आहे. या सिनेमामध्ये देखील एक लहान मुलगी देवाला पत्र लिहीत तिची इच्छा व्यक्त करते. याच पार्श्वभूमीवर मराठी सिनेसृष्टीतील अनेक कलाकार विविध लोकांना पत्र लिहिताना दिसत आहे.

===============

हे देखील वाचा : Amol Palekar : अभिनेता अमोल पालेकर ‘यांच्या’विरुध्द कोर्टात का गेले होते?

===============

दरम्यान प्रसादसाठी २०२५ हे वर्ष खूपच खास असणार आहे. त्याचा ‘जिलेबी’ हा सिनेमा लवकरच प्रदर्शत होणार आहे तर याचवर्षी मे महिन्यात त्याचा ‘गुलकंद’ हा सिनेमा प्रदर्शित होणार आहे. या दोन्ही सिनेमात तो मुख्य भूमिकेत दिसणार आहे. यासोबतच तो सध्या दिवंगत अभिनेते निळू फुले यांच्यावरील बायोपिकवर काम करत असून तो या सिनेमाचे दिग्दर्शन करणार आहे. एप्रिल महिन्यात प्रसाद ओक दिग्दर्शित ‘सुशीला – सुजीत’ हा चित्रपट प्रदर्शित होणार आहे. याशिवाय तो मराठी मनोरंजनविश्वातील निर्माते, दिग्दर्शक बाबुराव पेंटर यांच्या बायोपिकमध्ये मुख्य भूमिका साकारताना दिसणार आहे.