Sachin Pilgoankar : ‘ही’ आहे ‘७० रुपये वारले’ संवादामागची गोष्ट
Gaadi Number 1760: प्रेमभावनेला स्वरबद्ध करणारे प्रथमेश-प्रियदर्शिनीचे ‘झननन झाला’ गाणं प्रदर्शित !
Gaadi Number 1760: प्रेमात पडल्यावर मनात जी जादू होते ना ती खरतरं शब्दांत पकडणं कठीणच आहे. प्रेमात पडल्यावर प्रत्येक क्षण जादूने भारलेला वाटतो, मनात नवे स्पंदन उमटू लागतात, आणि त्या गोंधळलेल्या, गोड भावना शब्दांत मांडणं खूप कठीण होतं. ‘गाडी नंबर १७६०’ या चित्रपटातील ‘झननन झाला’ हे नवीन गाणं हेच नाजूक भावविश्व अगदी हळुवारपणे आपल्यासमोर मांडतं. प्रथमेश परब (Prathmesh Parab) आणि प्रियदर्शिनी इंदलकर (Priydarshini Indalkar) या दोघांवर हे चित्रीत झालेलं हे गाणं त्यांच्या फ्रेश केमिस्ट्रीमुळे अधिकच खुलून आलं आहे. (Gaadi Number 1760)
या गाण्याला आशीष कुलकर्णीचा सुरेल आवाज लाभला आहे, तर वैभव देशमुख यांनी दिलेले शब्द अगदी हृदयाला भिडतात. समीर सप्तीसकर यांनी दिलेलं मधुर संगीत या सगळ्याला प्रेमाचा एक सुंदर झराच बहाल करतं. गाण्याचं नृत्यदिग्दर्शन पवन-बॉब यांनी केलं असून, प्रत्येक फ्रेम प्रेमाने सजलेली आहे. या गाण्याबद्दल बोलताना दिग्दर्शक योगीराज गायकवाड सांगतात की, ”प्रेमाच्या नाजूक भावना, मनातली धडधड, आणि त्या गोंधळलेल्या अवस्था या गाण्यात प्रेक्षकांना खूप जवळून अनुभवता येतील.”
‘झननन झाला’ हे फक्त एक गाणं नाही, तर प्रेमाच्या प्रवासातला एक जिवंत क्षण आहे.असे ही ते म्हणाले. चित्रपटाचे निर्माते कैलाश सोराडी सांगतात की, आजच्या तरुणाईच्या भावनांना स्पर्श करणाऱ्या या गाण्यात प्रत्येकजण स्वतःला शोधू शकेल. हे गाणं फक्त ऐकण्यासाठी नाही, तर मनात खोलवर अनुभवण्यासाठी आहे. (Gaadi Number 1760)
=============================
=============================
तन्वी फिल्म्स प्रस्तुत ‘गाडी नंबर १७६०’ हा चित्रपट ४ जुलै 2025 रोजी प्रदर्शित होत आहे. या चित्रपटात प्रथमेश परब, शुभंकर तावडे, प्रियदर्शिनी इंदलकर, सुहास जोशी, प्रसाद खांडेकर, श्रीकांत यादव आणि शशांक शेंडे यांच्या भूमिका आहेत.