…जेव्हा Priyanka Chopra अभिजित सावंतची तारीफ करते!

‘मोहब्बतें लूटाऊंगा’ हे गाणं म्हणजे अभिजित सावंत (Abhijeet Sawant) हे इक्वेशन गेले अनेक वर्ष फिक्स आहे. आपल्या सुरेल आवाजाने प्रेक्षकांच्या मनावर अधिराज्य गाजवर तो इंडियन आयडॉलचा पहिला विजेता ठरला होता. त्याची जादू केवळ गाण्यांपूरतीच मर्यादित राहिली नाही तर बिग बॉस मराठीच्या पाचव्या पर्वात त्याने सहभागी होत प्रेक्षकांची मनं जिकंली होती. सध्या तो त्याच्या अनेक म्युझिक अल्बम्समुळे चर्चेत आहेच पण एका मुलाखतीत त्याने प्रियांका चोप्रा हिचा सांगितलेला किस्साही फार चर्चेत आहे. जाणून घेऊयात नेमकं काय म्हणालेली देसी गर्ल आपल्या या मराठीच्या चॉकलेट बॉयबद्दल. (Indian Idol season 1 winner)

अभिजित सावंतने परचुरेंच्या ‘कॅचअप मराठी’ला दिलेल्या मुलाखतीत प्रियांका चोप्राचा किस्सा शेअर केला. तो म्हणाला, “मला आठवतंय दिल्लीमध्ये एकदा आमचा एक शो होता. ती एक स्टार नाईट होती. तेव्हा शाहरुख खान, प्रियांका चोप्रा असे मोठे कलाकार तिथे होते. तर झालं असं की, खान साहेब शो संपल्यावर त्यांच्या वेगळ्या फ्लाईटने गेले. पण,धुक्यामुळे आम्ही विमानतळावरच अडकलो. त्यात प्रियांका, राणी मुखर्जी असे सगळे कलाकार होते. आमची फ्लाईट ३-४ तास उशीरा होती”. (Priyanka Chopra)

पुढे किस्सा सांगताना अभिजित म्हणाला की, “रुममध्ये असताना आमच्या सगळ्यांच्या वेगवेगळ्या विषयावर गप्पा सुरु होत्या. तेव्हा मला प्रियंका म्हणाली, अरे… यार तू तर आमच्यापेक्षा जास्त फेमस आहेस. तू गाणं गाताना लोकं तुला चिअर करत होते. एवढं चिअर तर आम्हालाही कोणी करत नाही”. (Entertainment News)

पुढे तो असं देखील म्हणाला की, “आपल्या समाजाला अशी एक सवय असते की जो आपल्यापेक्षा पुढे जातो. त्याच्याकडे नकारात्मकतेने बघायचं. अरे… हा एवढा मोठा कसा झाला. असं लोकं विचार करतात. खरंतर, ही कौतुक करण्याची गोष्ट आहे. पण, लोक कौतुक त्यांचंच करतात जे आपल्यापेक्षा मानान कमी असतात. यामध्ये झगडणं, पुढे जाऊन स्वत:ला सिद्ध करावं लागतं.” (Bollywood)

================================

हे देखील वाचा : VIROSH Wedding Photos : शुभमंगल सावधान! अखेर रश्मिकाचा ‘विजय’ झालाच

================================

पण काहीह म्हणा, चक्क PC आपली तारीफ करतेय म्हणजे भाई काय म्हणायचं काय अजून. पण काहीही असो कितीही सिंगर्स आले तरी अभिजित सावंतची क्रेझ काही कमी होणार नाही आणि बॉलिवूडचे कलाकारही त्याचं कौतुक करण्यापासून स्वत:ला थांबवू शकणार नाही हे फ्किस आहे.

Get Latest Marathi Entertainment update | Movies Reviews in Marathi | Celebrities Update in Marathi