ऋतुजा बागवेला मिळाला मानाचा उस्ताद बिस्मिल्लाह खाँ युवा पुरस्कार
RARKPK Box Office Collection: ‘रॉकी और रानी की प्रेम कहानी’ ने आतापर्यंत कमावले ‘एवढे’ कोटी
रणवीर-आलिया स्टारर ‘रॉकी अँड राणी की लव्ह स्टोरी’ सिनेमाची चाहते आतुरतेने वाट पाहत होते. अखेर हा चित्रपट २८ जुलै रोजी चित्रपटगृहात प्रदर्शित झाल्यापासून धुमाकूळ घालत आहे. या चित्रपटातील आलिया भट्ट आणि रणवीर सिंह यांच्या जादुई केमिस्ट्रीला प्रेक्षकांचे भरभरून प्रेम मिळत आहे. दिग्दर्शक करण जोहरचा चित्रपट पाहण्यासाठी चित्रपटगृहांचे सर्व शो हाऊसफुल्ल सुरू आहेत. चित्रपटाच्या कमाईबद्दल बोलायचे झाले तर या सिनेमाने ओपनिंग डेने चांगली कमाई केली, तसेच वीकेंडला त्याच्या कलेक्शनमध्ये जबरदस्त वाढ झाली आहे. प्रदर्शनाच्या तिसऱ्या दिवशी या चित्रपटाने अनेक कोटींचा गल्ला जमवला आहे. ‘रॉकी अँड राणी की लव्ह स्टोरी’ने रविवारी म्हणजेच प्रदर्शनाच्या तिसऱ्या दिवशी किती कोटींचा जमवला हे सविस्तर जाणून घेऊयात.(RARKPK Box Office Collection)
‘रॉकी आणि राणीची लव्ह स्टोरी’ या चित्रपटाची क्रेझ चाहत्यांमध्ये अजून कायम आहे. हा चित्रपट बॉक्स ऑफिसवर चांगली कमाई करताना पहायला मिळत आहे. या चित्रपटाने पहिल्या दिवशी ११.१० कोटींचा व्यवसाय केला. तर वीकेंडला म्हणजेच शनिवार आणि रविवारच्या सुट्टीचा पुरेपूर फायदा या चित्रपटाला मिळाला आहे. पहिल्या दिवसाच्या कलेक्शनपेक्षा जास्त पटींनी या चित्रपटाने शनिवारी १६.५ कोटींची कमाई केली. आणि तिसऱ्या दिवशी म्हणजेच रविवारी रणवीर-आलियाच्या चित्रपटाचे कलेक्शनही आता समोर आले आहे. सॅकनिकच्या अर्ली ट्रेंड रिपोर्टनुसार, ‘रॉकी अँड राणी की प्रेम कहानी’ या चित्रपटाने प्रदर्शनाच्या तिसऱ्या दिवशी तब्बल १८ कोटींची कमाई केली आहे. ज्यानंतर या चित्रपटाची तीन दिवसांची एकूण कमाई आता ४५.१५ कोटी रुपयांवर गेली आहे.
रणवीर-आलियाच्या ‘रॉकी अँड राणी की लव्ह स्टोरी’ या चित्रपटात अभिनेता रणवीर सिंग आणि आलिया भट्ट व्यतिरिक्त इंडस्ट्रीतील इतर बड्या स्टार्सनी परफॉर्म केले आहे. रणवीर सिंग आणि आलिया भट्ट यांच्याव्यतिरिक्त धर्मेंद्र, जया बच्चन, शबाना आझमी, आमिर बशीर, तोता रॉय चौधरी, चुन्नी गांगुली, क्षिती जोग आणि अंजली आनंद यांच्याही या चित्रपटात महत्त्वाच्या भूमिका आहेत.(RARKPK Box Office Collection)
==========================
==========================
करण जोहर दिग्दर्शक म्हणून या चित्रपटातून बऱ्याच काळानंतर पडद्यावर कमबॅक केले आहे. सात वर्षांपूर्वी २०१६ मध्ये त्याने ‘ऐ दिल है मुश्किल’ या चित्रपटाचे दिग्दर्शन केले होते. तय नंतर थेट ‘रॉकी अँड राणी की लव्ह स्टोरी’ हा सिनेमा घेऊन ते समोर आले. केवळ तीन दिवसात ४५.१५ कोटींची कमाई करणारा सिनेमा आता येणाऱ्या दिवसात त्याची जादू पसरवण्यात यशस्वी ठरतो का हे पाहणे महत्त्वाचे ठरेल.
