Raveena Tandon : करिश्मा कपूर सोबतच्या कॅट फाईटवर अखेर रवीनाने सोडलं मौन!

बॉलिवूडमध्ये अभिनेत्रींच्या कॅट फाईटचे किस्से चाहत्यांना विशेष आवडतात. या यादीत करिश्मा कपूर (Karishma Kapoor) आणि रवीना टंडन (Raveena Tondon) यांच्यातील वाद जुनाच आहे. दोन्ही अभिनेत्रींनी ९०च्या दशकातील चित्रपट गाजवले. तर एकत्रित या दोघी क्लासिक चित्रपट ‘अंदाज अपना अपना’ मध्ये दिसल्या होत्या. पण संपूर्ण शुटींगवेळी त्यांच्यात वाद सुरू असल्याचं मध्यंतरी आमिर खान बोलला होता. आता इतक्या वर्षांनंतर अखेर रवीना हिने या वादावर मौन सोडलं असून महत्वाचा खुलासा केला आहे. (Bollywood news)

आतापर्यंत खरं तर करिश्मा किंवा रवीना दोघांपैकी कुणीही त्यांच्यातील वादाबद्दल कधीच उघडपणे माध्यमांसमोर अथवा कुठेही काही बोलल्या नव्हत्या. मात्र, पहिल्यांदाच, रवीना टंडनने फराह खानशी बोलताना करिश्मासोबतच्या तिच्या भांडणाबद्दल उघडपणे म्हणणं मांडलं आहे.(Cult classic bollywood movies)

रवीना म्हणाली की त्यावेळी आम्ही लहान होतो. तेव्हाची परिस्थिती पण फार वेगळी होती. आणि प्रत्येकाला अशा एका प्रसंगातून जावंच लागतं. आमचं देखील तसंच काहीसं होतं असं म्हणत रवीनाने करिश्मा आणि तिच्यातील वादावर पडदा टाकण्याचा प्रयत्न केला. पण इतक्या वर्षांनी का होईना रवीना हिने तिच्यात आणि करिश्मामध्ये वाद होता हे मान्य तरी केलं. (Entertainment news)

================================

हे देखील वाचा: Aishwerya Rai : ९० च्या दशकातील मनिषा-ऐश्वर्याची गाजलेली कॅट फाईट!

=================================

दरम्यान, बॉलिवूडमध्ये सुरू झालेल्या रि-रिलीज ट्रेंडमध्ये ‘अंदाज अपना अपना’ चित्रपट पुन्हा प्रेक्षकांना पाहण्याची संधी मिळाली होती. १९९४ मध्ये प्रदर्शित झालेल्या ‘अंदाज अपना अपना’ या चित्रपटात आमिर खान, सलमान खान, रवीना टंडन आणि करिश्मा कपूर मुख्य भूमिकेत होते. या चित्रपटात परेश रावल यांनी दुहेरी भूमिका साकारली होती. राजकुमार संतोषी दिग्दर्शित हा चित्रपट बॉक्स ऑफिसवर कमाल दाखवू शकला नसला तरी आता मात्र तो कल्ट चित्रपटांपैकी एक मानला जातो. (Latest bollywood News)