महाराजांची जयंती साजरी करण्यासाठी Riteish Deshmukh पोहोचला शिवनेरीवर; बाल शिवाजी पाहाताच केली ‘ही’ कृती
ज १९ फेब्रुवारी महाराष्ट्राचे आराध्य दैवत छत्रपती शिवाजी महाराज यांची जयंती. महाराष्ट्रासह देशभरातील कानाकोपऱ्यात आपल्या राजाचा जन्मोत्सव साजरा केला जातो. याच शुभ दिनाचं औचित्य साधून अभिनेता रितेश देशमुख (Riteish Deshmukh) जिथे महाराजांचा जन्म झाला त्या शिवनेरी किल्ल्यावर दर्शनासाठी पोहोचला. यावेळी त्याने केलेल्या एका कृत्याचा व्हिडिओ तुफान व्हायरल झाला असून लोक रितेशचं कौतुक करत आहेत. (Chhatrapati Shivaji Maharaj)
तर, शिवजयंती साजरी करण्यासाठी रितेश देशमुख शिवनेरी किल्ल्यावर पोहोचला. तिथे राजांचं दर्शन घेतल्यानंतर त्याच्या भेटीसाठी काही लहान मुलं आली होती. कोणी मावळे बनवे होते तर कुणी जिजाऊ. तिथे एक लहान मुलगा बाल शिवाजी बनून आला होता आणि तो रितेशच्या समोर येताच रितेशने अदबीने मान खाली झकवून बाल शिवाजीला प्रणाम केला. लहान मुलाच्या रुपातील शिवरायांना पाहून आदराने रितेशने झुकवलेली मान आणि त्यांना केलेलं विनम्र अभिवादन प्रेक्षकांना फार भावलं आहे. सगळीकडे त्याचा हा व्हिडिओ व्हायरल झाला असून लोकं त्याचं कौतुक करत आहेत. (Marathi Entertainment News)
दरम्यान, लवकरच रितेश देशमुख मराठीतील पहिला सर्वाधिक बिग बजेट चित्रपट ‘राजा शिवाजी’ (Raja Shivaji) आपल्या भेटीला आणणार आहेत. १ मे २०२६ ला महाराष्ट्र दिनाचं औचित्य साधत हा चित्रपट मराठीसह हिंदी, तमिळ, तेलुगू, कन्नडा आणि मल्याळम भाषेतही रिलीज होणार आहे. रितेशचं या चित्रपटाचं दिग्दर्शन करत असून यात छत्रपती शिवाजी महाराजांची भूमिका देखील तोच साकारणार आहे.
================================
================================
तसेच, राजा शिवाजी चित्रपटात आजवर किमान मराठीत कधीही एकत्रित न आलेली तगडी स्टारकास्ट पाहायला मिळणार आहे. या भव्य ऐतिहासिक चित्रपटात रितेशसह सलमान खान (Salman Khan), संजय दत्त, भाग्यश्री, अभिषेक बच्चन, महेश मांजरेकर, जितेंद्र जोशी, जिनिलिया देशमुख अशी कलाकार मंडळी झळकणार आहेत. त्यामुळे नक्कीच राजा शिवाजी हा चित्रपट ‘सैराट’चा (Sairat)बॉक्स ऑफिस रेकॉर्ड मोडूनन काढत २०० कोटींचा पुढे कमाई करेल असा अंदाज आधीच बांधला जात आहे. (Raja Shivaji Movie Cast)
Get Latest Marathi Entertainment update | Movies Reviews in Marathi | Celebrities Update in Marathi