“जगासाठी ते ‘अमित’जी असतील पण माझ्यासाठी ते…” काय म्हणाले Sachin Pilgoankar?

मराठीसह बॉलिवूडही गाजवणारे अष्टपैलु अभिनेते सचिन पिळगांवकर (Sachin Pilgoankar) कायम चर्चेत असतात. बालकलाकार म्हणून केलेली चित्रपटातील सुरुवात आज ५५ वर्ष उलटून गेली तरी अजून सुरुच आहे. अभिनय, दिग्दर्शन, संगीत अशा वेगवेगळ्या भूमिका निभावणारे सचिन पिळगांवकर अमिताभ बच्चन (Amitabh Bachchan) आणि जया बच्चन (Jaya Bachchan) यांच्या अगदी घरातील सदस्यच आहेत. नुकत्याच एका मुलाखतीमध्ये सचिन यांनी अमिताभ बच्चन यांना ते कोणत्या नावाने हाक मारतात याचा खुलासा केला आहे. जाणून घेऊयात..(Bollywood News)

सचिन पिळगांवकर यांनी महानायक अमिताभ बच्चन यांच्यासोबत ‘सत्ते पे सत्ता’, ‘बालिका वधू’, ‘त्रिशुल’, ‘शोले’ अशा बऱ्याच चित्रपटांमध्ये एकत्र कामं केली पण ‘सत्ते पे सत्ता’ चित्रपटापासून दोघांची गट्टी जास्त जमली. अमिताभ बच्चन आणि जया बच्चन यांच्यासोबतच्या नातेसंबंधांबद्दल लोकमत फिल्मीशी बोलताना सचिन म्हणाले की,”आमचं नातं खूप चांगलं आहे. लोकं त्यांना ‘अमितजी’ किंवा ‘बच्चन साहेब’ म्हणतात. पण मी त्यांना ‘भाई’ म्हणतो.” (Sachin Pilgoankar and Amitabh Bachchan Movies)

यानंतर सचिन यांनी जया बच्चन यांच्यासोबतच्या त्यांच्या अनोख्या बॉंन्डचा खुलासा केला. ते म्हणाले की, “मी जयाजींच्या जास्त जवळ आहे. गंमत म्हणजे, मी जयाजींसोबत एकाही चित्रपटात काम केलं नाही. तरीही त्या माझ्याशी खूपच गोड बोलतात, माझ्यावर खूप प्रेम करतात आणि त्या माझे खूप लाड करतात.आणि बहुतेक काही वेळेला ते अमितजींना आवडत नाही!” असं हसत म्हणत असताना पिळगांवकर म्हणाले, “कधीकधी ते म्हणतात, ‘ये जया के दहेज में आया है…’ त्यांना कदाचित असं वाटत असेल की, ‘हा जास्त हिच्या जवळ का? माझ्या का नाही?” सचिन पिळगांवकर यांच्या बोलण्यातून त्यांचं बच्चन कुटुंबाशी फार घनिष्ट नातं आहे हे दिसून येतं. (Jaya Bachchan News)

================================

हे देखील वाचा: Shraddha Kapoor : बॉलिवूडमधला पहिला तमाशापटावर आधारित चित्रपट इतिहास रचणार?

=================================

दरम्यान, सचिन यांच्या कामाबद्दल बोलायचं झालं तर नुकताच त्यांचा ‘नवरा माझा नवसाचा २’ हा चित्रपट प्रदर्शित झाला होता. आजवर त्यांनी ‘गंमत जंमत’, ‘अशी ही बनवाबनवी’, ‘आयत्या घरात घरोबा’, ‘माझा पती करोडपती’, ‘नवरी मिळे नवऱ्याला’, ‘आम्ही सातपुते’, ‘आमच्यासारखे आम्हीच’, ‘एकूलती एक’, ‘भूताचा भाऊ’ असे अनेक चित्रपट दिग्दर्शित करुन त्यात अभिनयही केला आहे. तसेच, मराठी चित्रपटसृष्टीला विनोदी चित्रपटांचा अमुल्य काळ देणाऱ्या अशोक सराफ (Ashok Saraf), महेश कोठारे (Mahesh Kothare) आणि सचिन पिळगांवकर यांनी एकत्र येऊन आणखी एक चित्रपट करावा अशी नक्कीच प्रत्येक रसिक प्रेक्षकांची अपेक्षा आहे. (Sachin Pilgoankar Movies)

Get Latest Marathi Entertainment update | Movies Reviews in Marathi | Celebrities Update in Marathi