Salaar Teaser Out: प्रभास च्या बहुचर्चित ‘सालार’ सिनेमाचा टीजर आउट
आदिपुरुषनंतर प्रभास स्टारर सालार सिनेमाची चर्चा सध्या सगळीकडे आहे. प्रदर्शनापूर्वी चित्रपटाला मिळणारे प्रेम पाहता सालार हिट होणार असल्याचे दिसून येत आहे. दरम्यान, प्रशांत नील दिग्दर्शित प्रभास स्टारर मोस्ट अवेटेड सालार पार्ट 1:सीईटीचा टीझर रिलीज झाला आहे, ज्याची सोशल मीडियावर जोरदार चर्चा सुरू आहे. इतकंच नाही तर सालार जगातील विक्रमांना ब्रेक करु शकतो, असं ही चाहत्यांचं म्हणणं आहे. आज सकाळी या चित्रपटाचा टीझर प्रदर्शित करण्यात आला. या टीझरमध्ये तेलुगू सिनेमाचा सुपरस्टार प्रभास पुन्हा एकदा दिसला आहे. प्रभास आपल्या दमदार अॅक्शन आणि डायलॉग्सने चाहत्यांची मने जिंकताना दिसत आहे. ‘सालार’च्या टीझरमध्ये धांसू अॅक्शनची अशी झलक पाहायला मिळत आहे, जी पाहून कोणीही थक्क होईल. टीझर रिलीज झाल्यानंतर अर्ध्या तासातच युट्युबवर त्याला अडीच लाखांहून अधिक व्ह्यूज मिळाले आहेत.
प्रशांत नील दिग्दर्शित ‘सालार’च्या टीझरमधील प्रत्येक सीन व्हिज्युअल एन्जॉय करणारा आहे. ‘सालार’च्या टीझरची सुरुवात अभिनेता-दिग्दर्शक टीनू आनंदपासून होते, ज्यांना परदेशी गुंडांनी घेरले आहे. प्रत्येकाच्या हातात शस्त्रे पहायला मिळत आहेत. मग ते म्हणतात की,”आई एम चीता, टाइगर, एलिफेंट…वेरी डेंजरस…बट नॉट इन जुरासिक पार्क,बोकॉज इन दॅट पार्क देअर इज…” एवढं बोलून ती व्यक्ती थांबते. ही व्यक्ती म्हणजे ‘सालार’मध्ये महत्त्वाच्या भूमिकेत असलेली टीनू आनंद. यानंतर सीन कट केला जातो आणि प्रभास हातात चाकू आणि रायफल घेऊन शत्रूंवर एकाच वेळी येताना दिसतो. टीझरमध्ये प्रभास शिवाय पृथ्वीराज सुकुमारन यांचीही एक भयानक झलक पाहायला मिळाली आहे. या चित्रपटात तो खलनायकाच्या भूमिकेत असल्याचे पहायला मिळत आहे.
काहीतरी वेगळं करण्याचा विचार करत निर्मात्यांनी आज म्हणजेच 6 जुलै रोजी पहाटे 5 वाजून 12 मिनिटांनी टीझर येण्याची घोषणा करून प्रेक्षकांमध्ये उत्साह वाढवला होता. टीझरमध्ये दमदार अॅक्शन आणि जबरदस्त डायलॉग्सची झलक आता प्रेक्षकांना पाहायला मिळत आहे.
==========================
हे देखील वाचा: Gadar 2: ‘उड़ जा काले कांवा’ चा फर्स्ट लूक रिलीज,पाहा सकीना आणि तारा सिंगची जोडी
=========================
या सिनेमाद्वारे प्रभास, पृथ्वीराज सुकुमारन, श्रुती हसन, ईश्वरी राव, जगपती बाबू, श्रिया रेड्डी आणि इतर कलाकार मोठ्या पडद्यावर आपल्या व्यक्तिरेखांद्वारे चाहत्यांची मने जिंकताना दिसतील. प्रशांत नील दिग्दर्शित हा बहुप्रतीक्षित चित्रपट 28 सप्टेंबर 2023 रोजी तेलुगू, कन्नड, मल्याळम, तमिळ आणि हिंदीसह 5 भाषांमध्ये प्रदर्शित होणार आहे.