Waves summit 2025 : इन्स्टाग्रामच्या हेडला श्रद्धा कपूरने खाऊ घातली पुरणपोळी!

मुंबईत ‘वेव्हज समीट २०२५’ (Waves Summit 2025) ची सुरुवात १ मे महाराष्ट्र दिनी झाली. पंतप्रधान नरेंद्र मोदी यांच्या हस्ते शुभारंभ झालेल्या भारतातील पहिल्या जागतिक परिषदेला मनोरंजन, उद्योग क्षेत्रातील दिग्गजांनी हजेरी लावली होती. १ ते ४ मे २०२५ दरम्यान होणाऱ्या या वेव्हज परिषदेत नुकतीच श्रद्धा कपूर (Shraddha Kapoor) हिने देखील उपस्थिती दाखवत इंस्टाग्राम हेड अॅडम मोसेरी (Adam Mosseri) यांच्यासोबत गप्पा मारल्या. इतकंच नव्हे तर श्रद्धाने त्यांना महाराष्ट्राची शान असलेली पुरणपोळी देखील खाऊ घातली. (Entertainment trending news)

श्रद्धा कपूर गेल्या काही काळात चित्रपटांमध्ये दिसत नसली तरी ती कायमच चर्चेत असते. आईचं माहेर मराठी असल्यामुळे श्रद्धा बऱ्याचदा मराठी संस्कृती जपतानाही दिसते. यावेळी तर चक्क इन्स्टाग्रामच्या हेडला श्रद्धाने पुरणपोळी खाऊ घातली. निमित्त होतं वेव्हज समीट २०२५चं. यात आयोजित केलेल्या एका चर्चासत्रात श्रद्धा कपूर हिने इंस्टाग्राम हेड अॅडम मोसेरी (Adam Mosseri) यांना महाराष्ट्रीयन डेजर्ट असं म्हणत मोसेरी यांना स्वत:च्या घरी बनवलेली पुरणपोळी खायला देत त्यांचं स्वागत केलं. श्रद्धा म्हणाली की, “नुकताच १ मे २०२५ रोजी महाराष्ट्र दिवस आपण सगळ्यांनी साजरा केला. तर आज बिलेटेड दिवस साजरा करत तुम्हाला मी आमची महाराष्ट्रीयन पुरणपोळी खाऊ घालत आहे”. (Shraddha Kapoor)

===============================

हे देखील वाचा:   Deepika Padukone : “इंडस्ट्रीच्या बाहेरची अशी भावना….”; दीपिकाचं महत्वाचं विधान

===============================

दरम्यान, वेव्हज समीट २०२५ मध्ये जगभरातील कलाकार सहभागी झाले असून यात अनेक मराठी कलाकरांनीही हजेरी लावली होती. सोनाली कुलकर्णी, ओम राऊत, महेश कोठारे, आदिनाथ कोठारे, महेश लिमये, नेहा पेंडसे, अमृता खानविलकर या कलाकरांनी हजेरी लावत मराठी चित्रपटसृष्टीचं प्रतिनिधत्व जागतिक परिषदेत केलं आहे. (Marathi celebrities at Waves summit 2025)