Sidharth Chandekar “जिथे ओलावा होता, तिथे….” सिद्धार्थ चांदेकरने शेअर केला नात्यांवर आधारित कवितेचा व्हिडिओ
कलाकार नेहमीच त्यांच्या भावना सोशल मीडियाच्या माध्यमातून व्यक्त करताना दिसतात. सोशल मीडियावर विविध पोस्ट शेअर करत ते त्यांच्या भावनांना वाट मोकळी करून देतात. मात्र अनेकदा कलाकार देखील त्यांच्यात असणाऱ्या सुप्त कला देखील या माध्यमातून त्यांच्या फॅन्सच्या समोर आणताना दिसतात. (Marathi Actors)
अनेक कलाकार चांगले चित्र काढतात, काही स्वयंपाक छान करतात, काही डिझायनिंगमध्ये कुशल असतात. सोशल मीडियामुळे आपल्याला आपल्या आवडत्या कलाकारांचे वेगळे गुण देखील समजतात. अशाच एका मराठी अभिनेत्याचा एक वेगळाच आणि सुंदर गुण समोर आला आहे.
नुकताच अभिनेता सिद्धार्थ चांदेकरने (Sidharth Chandekar) त्याच्या इंस्टाग्राम अकाऊंटवरून एक व्हिडिओ पोस्ट केला आहे. या व्हिडिओमुळे सिद्धार्थ चांगलाच गाजत आहे, सोबतच त्याच्यात असणारा एक गुण देखील प्रेक्षकांच्या समोर आला आहे. सिद्धार्थने शेअर केलेल्या व्हिडिओमध्ये तो चक्क एक कविता सादर करताना दिसत आहे. त्याची कविता आणि त्याने केलेले सादरीकरण याची खूपच चर्चा होताना दिसत आहे. (Entertainment Masala)
सिद्धार्थने सादर केलेल्या कवितेमध्ये त्याने नात्यांची वीण उलगडली आहे. आजकालची बदल जाणारी नाती त्याने त्याच्या कवितेमधून अगदीच समर्पक शब्दात मांडली आहे. सिद्धार्थने त्याच्या कवितेमध्ये म्हटले,
“गंमत बघा ना, जे लांब आहेत, त्यांना जवळ यायचंय. जे जवळ असतात, त्यांना लांब जायचंय. खूप काही बोलून बसलो म्हणून काही लोक भीत आहेत, थोडं तरी बोलायला हवं होतं म्हणून काही लोक पस्तावताहेत. इन्स्टा स्टोरी बघायला तयार आहेत; पण, खरी स्टोरी ऐकायला तयार नाहीत. मीच का घ्यायचा पुढाकार, हा प्रश्न काहींना, तर का घेतली मी माघार हा प्रश्न काहींना. आठवणींची जागा अहंकारानं कधी घेतली? जिथे ओलावा होता, तिथे ठिणगी कधी पेटली? मान्य, काही विस्कटलेल्या गोष्टी पुन्हा आवरता येत नाहीत. पण, एकदा ठेच लागली म्हणून काय परत सावरता येत नाही? लपवलेला तुकडा लावून बघा, कोडं आपोआप सुटेल, रक्ताचं नातं ना, असं कसं तुटेल?” (Sidharth Chandekar Poem)
सिद्धार्थने सादर केलेल्या या कवितेचा हा व्हिडिओ कमालीचा व्हिडिओ व्हायरल होत आहे. या व्हिडिओवर मराठीमधील अभिजित खांडकेकर, अनघा अतुल, अमेय वाघ, पौर्णिमा डे, आदिनाथ कोठारे, हेमंत ढोमे, सायली संजीव, गायत्री दातार, जितेंद्र जोशी, किरण गायकवाड, वैदेही परशुरामी, अभिज्ञा भावे आदी अनेक कलाकारांनी आणि नेटकऱ्यांनी कमेंट्स केल्या आहेत. (Sidharth Chandekar Post)
===============
हे देखील वाचा : Kranti Redkar “माझ्या मुलींचा बाबा….” लग्नाच्या वाढदिवसाच्या क्रांती रेडकरने शेअर केली खास पोस्ट
===============
सध्या सिद्धार्थ त्याच्या लवकरच प्रदर्शित होणाऱ्या ‘फसक्लास दाभाडे’ या सिनेमाच्या निमित्ताने खूपच चर्चेत आहे. तो सतत सिनेमाचे प्रमोशन करताना दिसत आहे. त्याचा हा प्रदर्शित होणारा सिनेमा देखील अशाच जवळच्या नात्यांवर आधारित आहे. फसक्लास दाभाडे या चित्रपटाची कथा ही तीन भावंडांवर आधारित असल्याचे समोर आलेल्या ट्रेलरमध्ये पाहायला मिळाले आहे. हेमंत ढोमे दिग्दर्शित ‘फसक्लास दाभाडे’ या चित्रपटातून अभिनेता प्रेक्षकांच्या भेटीला येणार आहे. २४ जानेवारी २०२४ ला हा चित्रपट प्रदर्शित होणार आहे. (Fissclass Dabhade)