‘स्त्री २’चा टीझर सोशल मीडियावर लीक, श्रद्धा कपूरसह ‘ही’ अभिनेत्री ही दिसणार महत्वाच्या भूमिकेत

‘स्त्री २’ या वर्षी १५ ऑगस्टरोजी चित्रपटगृहात प्रदर्शित होणार असून नुकताच त्याचा ट्रेलर चाहत्यांसमोर आला आहे. मात्र, त्यात एक ट्विस्ट आहे. खरं तर याचा टीझर बघायचा असेल तर आधी थिएटरमध्ये जाऊन नुकताच आलेला हॉरर कॉमेडी चित्रपट मुंज्या सिनेमा पाहावा लागेल, कारण या सिनेमाच्या इंटरव्हलमध्ये तुम्हाला स्त्री २’चा टीझर पाहायला मिळणार आहे. मात्र, ‘मुंज्या’ चित्रपटादरम्यान दाखवण्यात आलेला हा टीझर आता सोशल मीडियावर लीक झाला असून हे पाहून चाहते आश्चर्यचकित झाले आहेत.(Stree 2 Teaser Out)

राजकुमार राव आणि श्रद्धा कपूर यांच्या ‘स्त्री २’ची प्रतीक्षा अखेर संपणार आहे. पहिल्या चित्रपटाला 6 वर्षे पूर्ण झाल्यानंतर निर्माते ‘स्त्री’चा दुसरा भाग प्रदर्शित करणार आहेत. मात्र, ‘मुंज्या’च्या प्रदर्शनादरम्यान ‘स्त्री २’चा टीझर चित्रपटगृहात प्रदर्शित करण्यात आला आहे. त्यामुळे ‘मुंज्या’ पाहण्यासाठी जे लोक आले होते, तेच टीझर पाहू शकले. मात्र आता या चित्रपटाचा टीझर सोशल मीडियावर ही लीक झाला आहे.

‘स्त्री २’च्या या लीक झालेल्या टीझरमध्ये दाखवलेली भीती पूर्वीपेक्षा ही अधिकच वाढली आहे. तर श्रद्धा कपूरची ही एक वेगळी स्टाईल पाहायला मिळत आहे. यावेळी ती अधिक ताकदवान झाल्याचे दाखवण्यात येत आहे. ‘स्त्री २’चा टीझर चित्रपटगृहात प्रदर्शित करण्यात आला. यामध्ये पहिल्या भागाचा फ्लॅशबॅक पाहायला मिळाला आहे. यामध्ये राजकुमार राव ‘स्त्री’ला सांगतो, ‘आम्ही तुझी वेणी कापली होती. गरम तेलाने मसाज केल्यास ती लवकर परत येईल. आपण मागे वळत आहोत… फक्त आमचे कपडे काढू नकोस प्लीज….आम्ही मित्र आहोत…’ एवढं बोलून तो मागे वळतो तेव्हा तो भीतीदायक चेहरा पाहून ओरडतो. सुरुवातीला अभिषेक बॅनर्जी म्हणतो, ‘ही तर खरंच आली आहे!'(Stree 2 Teaser Out)

स्त्री २ चित्रपटाच्या टीझरमध्ये काही कॉमेडी आणि खूप भीती पाहायला मिळणार आहे. या टीझरमध्ये राजकुमार राव, श्रद्धा कपूर, पंकज त्रिपाठी, अपारशक्ती खुराना आणि अभिषेक बॅनर्जी देखील दिसत आहेत. तमन्ना भाटियाही काही सीन्समध्ये दिसत आहे. श्रद्धा कपूरला एक वेगळा अवतार मिळाला असून राजकुमार राव पुन्हा एकदा विकीच्या भूमिकेत लोकांचं मनोरंजन करणार आहे. या चित्रपटाचा पहिला भाग 31 ऑगस्ट 2018 रोजी चित्रपटगृहात प्रदर्शित झाला होता, स्त्री या चित्रपटाने बॉक्स ऑफिसवर धुमाकूळ घातला होता. या चित्रपटाने बॉक्स ऑफिसवर १८०.७६ कोटींची कमाई केली होती.(Stree 2 Teaser Out)

================================

हे देखील वाचा: अखेर प्रतिक्षा संपली, ‘सिंघम अगेन’च्या प्रदर्शनाची तारीख आली समोर

=================================

यावेळी निर्मात्यांनी कथेला वेगळ्या पातळीवर नेण्याचा प्रयत्न केला आहे. अमर कौशिक दिग्दर्शित ‘स्त्री २’मध्ये व्हीएफएक्स, संगीत आणि कथेत बरीच सुधारणा करण्यात आली आहे. हा चित्रपट लोकांना घाबरवेल आणि खूप हसवेल. त्यामुळे या चित्रपटाकडून अपेक्षा वाढल्या आहेत हे नक्की.