Marathi Film:‘सुधा – विजय १९४२’: प्रेम-स्वातंत्र्य संग्रामाची कहाणी लवकरच येणार

‘सैराट’ (Sairat) चित्रपटाचे दिग्दर्शिक नागराज मंजुळे यांचे भाऊ भूषण पोपटराव मंजुळे मराठी चित्रपटसृष्टीत पदार्पण करत आहेत. ’सुधा – विजय १९४२’ ह्या चित्रपटाच्या माध्यमातून चित्रपट प्रस्तुती क्षेत्रात ते पाऊल टाकत असून या चित्रपटाचं टीजर पोस्टर सोशल मीडियावर लॉन्च करण्यात आलं आहे. (Marathi film)

‘सुधा – विजय १९४२’ या शीर्षकावरूनच कळते की हा चित्रपट १९४२ सालात घडतो. हा चित्रपट भारताच्या स्वातंत्र्यासाठी लढणाऱ्या स्वातंत्र्यसैनिकाच्या संघर्षाची आणि त्याच्या अढळ प्रेमकथेची हृदयस्पर्शी कहाणी सांगतो.या पोस्टरमध्ये त्या काळाची झलक आणि चित्रपटातील भावनिक गुंतवणूक दिसून येते. आता लवकरच या चित्रपटाच्या शूटिंगला सुरुवात होणार आहे. (Marathi upcoming film)

===========================

हे देखील वाचा: मराठी चित्रपट बदलतोय…चित्रपटात होतायत नवनवीन प्रयोग 

===========================

‘सुधा – विजय १९४२’ चित्रपटाचं दिग्दर्शन वरुणराज मोरे करणार आहेत. तर, या चित्रपटाची निर्मिती शिव लोखंडे आणि सरिता मंजुळे यांनी केली आहे. तसेच हा चित्रपट रुमीर प्रॉडक्शन आणि व्ही स्क्वेअर एंटरटेनमेंट यांच्या सहकार्याने तयार होत आहे. (Entertainment)

सैराट, घर बंदुक बिर्याणी, झुंड, फॅंड्री या चित्रपटांसाठी भूषण मंजुळे यांनी कास्टिंग केलं होतं. मंजुळे बंधू त्यांच्या परिपूर्ण कास्टिंगसाठी प्रसिद्ध आहेत. त्यामुळे या चित्रपटातील प्रमुख कलाकार कोण असतील यासाठी अजुन थोडी वाट पाहावी लागणार आहे. (Entertainment update)