“माझ्या आई आप्पा नंतर अजित दादाने माझ्यासाठी…”; Suraj Chavanची अजित दादांसाठी भावूक पोस्ट
महाराष्ट्राचे उपमुख्यमंत्री अजित पवार यांच्या अपघाती निधनामुळे संपूर्ण महाराष्ट्र शोकाकूल झाला आहे. घड्याळ्याच्या ठोक्यावर आपलं काम करणाऱ्या अजित दादांचं याबाबतीत टायमिंग मात्र चुकलंच. त्यांच्या निधनानंतर सगळ्याच क्षेत्रातील मंडळी त्यांना श्रद्धांजली वाहात आहेत. अशातच, मराठी बिग बॉस सीझन ५चा विजेता सुरज चव्हाण याने अजित पवारांसाठी खास पोस्ट केली आहे. अजित दादांनी सुरजला गावात घर बांधून देणार असा शब्द दिला होता आणि तो त्यांनी पाळला होता. जाणून घेऊयात सुरजने काय पोस्ट केली आहे. (Ajit Pawar Death News)
सूरज चव्हाणने दादांसाठी भावुक पोस्ट लिहिली आहे. अजित पवारांसोबतचा फोटो पोस्ट करत त्याने लिहिलं आहे की, ”मित्रांनो माझा देव चोरला आज… मित्रांनो मला अजिबात विश्वास होत नाहीये की आपले लाडके कार्यसम्राट अजित दादा आपल्यात नाहीयेत…माझ्यासारख्या गरीब मुलाला त्यांनी इतकं सोन्यासारखं घर बांधून दिलं…माझी काळजी घेतली..मला नवीन आयुष्य मिळवून दिलं… अजित दादांसारखा देव माणूस या जगात नाही…याचं मला लई वाईट वाटतय…लई दुःख होतंय… माझ्या आई आप्पा नंतर अजित दादाने माझ्यासाठी इतकं केलं मी आयुष्यभर त्यांची आठवण माझ्या काळजात सांभाळून ठेवेन… दादा तुम्हाला भावपूर्ण श्रद्धांजली… तुमचाच सूरज…” (Suraj Chavan Post)
================================
================================
दरम्यान, बारामतीच्या सुरज चव्हाणला अजित पवारांनी टुमदार घर बांधून देणार असं आश्वासन दिलं होतं आणि त्यांनी ते पुर्ण केलं. २८ जानेवारी २०२६ रोजी सकाळी राज्याचे उपमुख्यमंत्री अजित पवार यांच्या विमानाचा बारामती विमानतळाजवळ भीषण अपघात झाला. या अपघातात अजित पवारांसह ४ जणांचा जागीच दुर्देवी अंत झाला. (Maharashtra DCM Ajit Pawar)
Get Latest Marathi Entertainment update | Movies Reviews in Marathi | Celebrities Update in Marathi