‘मिस्टर अँड मिसेस माही’चं दुसरं गाणं रिलीज; पहायला मिळणार राजकुमार आणि जान्हवीची सुंदर केमिस्ट्री

बॉलिवूड अभिनेत्री जान्हवी कपूर आणि राजकुमार राव यांच्या आगामी ‘मिस्टर अँड मिसेस माही‘ चित्रपटाची जोरदार चर्चा आहे. ‘अगर तुम हो’ या चित्रपटाचं दुसरं गाणं रिलीज आता झालं आहे. चित्रपटाच्या या ३ मिनिटे २६ सेकंदाच्या गाण्यात राजकुमार आणि जान्हवी यांच्यातील सुंदर केमिस्ट्री दिसून येते, जी छोट्या छोट्या गोष्टींमध्ये खूप आनंदी असते. हे गाणे रिलीज झाल्यानंतर अल्पावधीतच त्याला चांगले व्ह्यूज मिळाले असून प्रेक्षकांची चित्रपटाविषयीची उत्सुकता अधिकच वाढली आहे. चला तर मग जाणून घेऊया प्रेम आणि रोमान्सने भरलेल्या ‘मिस्टर अँड मिसेस माही‘ या सिनेमाच्या दुसऱ्या गाण्याची संपूर्ण माहीती.(Mr and Mrs Mahi Song)

सोमवारी ‘मिस्टर अँड मिसेस माही‘ चित्रपटातील ‘अगर हो तुम’ हे दुसरे गाणे प्रदर्शित करण्यात आले. तनिष्क बागची यांनी संगीतबद्ध केलेल्या आणि जुबिन नौटियाल यांनी गायलेल्या या गाण्याचे चित्रीकरण जयपूरमध्ये झाले आहे. या गाण्याचे बोल कौसर मुनीर यांनी लिहिले आहेत. या गाण्यात महिमा (जान्हवी) आणि महेंद्र (राजकुमार) यांच्या नात्यातील गोडवा दाखवण्यात आला आहे.

हे गाणं रिलीज झाल्यानंतर सोशल मीडियावर गाणं शेअर करत राजकुमारने लिहिलं, ‘अगर हो तुम’मध्ये प्रेम अनुभवा, तर संगीतकार तनिष्क म्हणाला, ‘अगर हो तुम’ हा अल्बमचा फ्रेश एलिमेंट आहे. कौसर मुनीर यांचे सुंदर बोल आणि झुबिनचा सुरेल आवाज लोकांच्या मनात घर करून राहील असा ही विश्वास या सिनेमाच्या टीमला आहे.(Mr and Mrs Mahi Song)

=================================

हे देखील वाचा: आमीर खानचा 25 वर्ष जुना चित्रपट ‘सरफरोश’चा सिक्वल येणार?

=================================

‘या गाण्यातून योग्य प्रकारच्या भावना आणि भावना समोर येतात, आम्हाला आशा आहे की प्रेक्षकांना हे गाणे आवडेल आणि आवडेल.’ असे ही संगीतकार तनिष्क म्हणाला. शरण शर्मा दिग्दर्शित आणि झी स्टुडिओ आणि धर्मा प्रॉडक्शननिर्मित ‘मिस्टर अँड मिसेस माही’ हा चित्रपट 31 मे 2024 रोजी प्रदर्शित होत आहे.