Ramayana : प्रभू श्रीराम यांच्या जीवनचरित्रावर गाजलेल्या ‘या’ कलाकृती माहित
Maji Prarthana : हाडांचा झाला होता सापळा; मराठी अभिनेत्याची भूमिकेसाठी कठोर मेहनत
मराठी चित्रपटसृष्टीत गेल्या काही महिन्यांपासून एकाहून एक दर्जेदार चित्रपट येत आहेत. विनोदी, भयपट, सस्पेन्स अशा विविध आशयांवर आधारित चित्रपटांच्या यादीत ‘माझी प्रारतना’ (Maji Prarthana) हा चित्रपट लवकरच भेटीला येणार असून ब्रिटिश काळातील ग्रामीण महाराष्ट्राच्या पार्श्वभूमीवर चित्रपटाची कथा आधारित आहे. हा एक संगीतप्रधान चित्रपट असून प्रेम, विश्वासघात आणि जगण्याच्या जिद्दीचा अद्भुत प्रवास यात मांडण्यात आला आहे. विशेष म्हणजे या चित्रपटात प्रमुख भूमिका करणाऱ्या अभिनेत्याने चक्क ५३ किलो वजन कमी केलं होतं. कोण आहे हा अभिनेता आणि कसं केलं होतं त्याने ट्रान्सफॉर्मेशन जाणून घ्या… (Entertainment)
हिंदी चित्रपटसृष्टीत अनेक अभिनेते त्यांच्या ठराविक भूमिकांसाठी बॉडी ट्रान्सफॉर्मेशन करताना दिसतात. यात ‘दंगल’ मधील आमिर खान, ‘स्वातंत्र्यवीर सावरकर’मधील रणदीप हुड्डा अशा अनेक अभिनेत्यांचा उल्लेख करता येईल. आता मराठीतही एका कलाकराने आपल्या भूमिकेसाठी बॉडी ट्रान्सफॉर्मेश केलं असून त्याचं नाव आहे पद्माराज राजगोपाल नायर. शिवाय उपेंद्र लिमये यांनी या चित्रपटात विशेष भूमिका केली आहे. (Marathi Upcoming movie)
नुकतीच ‘माझी प्रारतना’ चित्रपटाच्या टीमने ‘लोकमत फिल्मी’ला मुलाखत दिली. यावेळी पद्माराज राजगोपाल नायर म्हणाले की, “गोळ्याच्या भूमिकेसाठी मी जवळपास ५३ किलो वजन घटवलं ही भूमिका मी साकारणार आहे, हे ठरल्यावर मी जेवण सोडलं आणि साडे पाच महिने फक्त मी दररोज एक सफरचंद खायचो. दोन चमचे नारळाचं तेल प्यायचो”. (Entertainment news)
पुढे नायर म्हणाले की, “वजन घटविले तेव्हा माझे वजन ४९ किलो होते. ते सीन शूट झाल्यानंतर मला वजन वाढवायचे होते. ४९ किलोवरून मी १०२ किलो वजन वाढविले. त्यासाठी मग मी जंक फूड, वडापाव, खूप तर्री टाकलेली मिसळ वगैरे खाल्ली आणि वजन वाढविले. मी फिटनेस फ्रिक असल्यामुळे वजन घटवताना त्रास झाला नाही. पण वजन वाढल्यानंतर मला अस्वस्थ वाटत होते.” (Bollywood tadaka)
================================
=================================
एस आर एम फिल्म स्कूल प्रस्तुत ‘माझी प्रारतना’ या चित्रपटाचं लेखन आणि दिग्दर्शन पद्माराज राजगोपाल नायर यांनी केलं आहे. पद्माराज नायर फिल्म्स यांची निर्मिती असलेला हा चित्रपट ९ मे २०२५ पासून जवळच्या चित्रपटगृहात प्रदर्शित होणार आहे. (Bollywood update)