Rashmika Mandanna & Vijay Devarkonda यांनी वेडिंग रिसेप्शनला ‘त्या’ कृतीने जिंकलं लोकांचं मन!

गेल्या १५-२० दिवसांपासून देशात एकच चर्चा आहे ती म्हणजे साऊथच्या ब्युटिफुल कपलचं लग्न… रश्मिका मंदाना (Rashmika Mandanna) आणि विजय देवरकोंडा (Vijay Devarkonda) यांनी २६ फेब्रुवारी २०२६ रोजी उदयपुरमध्ये पारंपारिक पद्धतीने लग्न केलं. अगदी मोजक्या नातेवाईक आणि मित्र-मैत्रिणिंच्या साक्षीने त्यांनी नव्या आयुष्चा प्रवास सुरु केला. यानंतर त्यांचे पोस्ट-वेडिंग कार्यक्रम सुरुच आहेत. नुकतंच त्यांचं हैदराबादमध्ये रिसेप्शन झालं आणि यावेळी विजय आणि रश्मिकाने एक कृती केली आणि उपस्थित असलेल्या लोकांचं मन जिंकलं. (Vijay & Rashmika Marriage)

४ मार्च २०२६ रोजी फिल्मी दुनियेतील कलाकारांच्या उपस्थितीत हैदराबादमध्ये रश्मिका-विजयचं वेडिंग रिसेप्शन संपन्न झालं. या वेडिंग रिसेप्शनमध्ये रश्मिका-विजयच्या एका कृतीने सगळ्यांची मनं जिंकून घेतली. रश्मिकाने लाल रंगाची सिल्क साडी नेसली होती तर विजय त्यांच्या पारंपारिक साऊथ अटायरमध्ये होता. यावेळी दोघांनी मीडियासोर एकत्र येत एकमेकांचा हात पकडून एन्ट्री घेतली. त्यानंतर त्यांनी वाकून अन् हात जोडून सर्व मीडिया आणि पापाराझींना नमस्कार केला. त्यानंतर त्यांनी फोटोसाठी पोझही दिल्या. त्यांच्या या कृतीने सगळेच भारावून गेले. त्यांच्या वेडिंग रिसेप्शनमधील हा व्हिडीओ सोशल मिडियावर व्हायरल झाला असून चाहते कौतुक करत आहेत. (Rashmika & Vijay Wedding reception at Hyderabad)

================================

हे देखील वाचा : Rashmika &Vijay यांचं लग्न झालेली कोडावा विवाह पद्धत आहे तरी काय?

================================

हैदराबाद येथे झालेल्या रश्मिका आणि विजयच्या वेडिंग रिसेप्शनला राम चरण आणि त्याची पत्नी उपासना, नागा चैतन्या, चिरंजीवी, नागार्जुन, रवि तेजा, व्यंकटेश, अल्लू अर्जुन, महेश बाबू, नीना गुप्ता, कृती सेनन अशा कलाकारांनी आवर्जून हजेरी लावली होती. दरम्यान, आता लग्नानंतर विजय आणि रश्मिका ‘राणाबाली’ (Ranabaali Telugu Movie 2026) या आगामी तेलुगू चित्रपटात एकत्र दिसणार आहेत.

Get Latest Marathi Entertainment update | Movies Reviews in Marathi | Celebrities Update in Marathi