‘भूल भुलैया 3’ मधून Fawad Khan बॉलिवूडमध्ये कमबॅक करणार? अखेर चित्रपटाच्या निर्मात्यांनीच दिले उत्तर

‘भूल भुलैया‘ फ्रँचायझीचा पुढचा चित्रपट ‘भूल भुलैया ३’ लवकरच चित्रपटगृहात पाहायला मिळणार आहे. 2022 मध्ये ‘भूल भुलैया 2‘ च्या ब्लॉकबस्टर यशानंतर प्रेक्षक कार्तिक आर्यनला ‘भूल भुलैया 3’ मध्ये रूह बाबाच्या भूमिकेत पाहण्याची वाट पाहत आहेत. अनीस बज्मी दिग्दर्शित या हॉरर-कॉमेडी चित्रपटात कार्तिक आर्यनसोबत तृप्ती डिमरी मुख्य भूमिकेत दिसणार आहे. तर विद्या बालन या हॉरर कॉमेडी सीरिजमध्ये पुनरागमन करत आहे. २००७ मध्ये आलेल्या ‘भूल भुलैया‘ या चित्रपटात विद्या बालन, अक्षय कुमार आणि शाइनी आहुजा मुख्य भूमिकेत होते. आता नव्या चित्रपटात माधुरी दीक्षित नेने देखील दिसणार असल्याच बोलल जातय. तसेच आता या चित्रपटाविषयी विविध प्रकारचे अपडेट्स समोर येत आहेत, पण त्यासोबत एक अफवाही उडत आहेत की पाकिस्तानी अभिनेता फवाद खान ‘भूल भुलैया ३’ मध्ये दिसणार असणार आहे. आता या प्रकरणावर खुद्द चित्रपट निर्मात्याकडूनच उत्तर आलं आहे.(Fawad Khan Bollywood Comeback)

पाकिस्तानी अभिनेता फवाद खान ‘भूल भुलैया ३’ या चित्रपटात कॅमिओ भूमिकेत दिसणार असल्याच्या चर्चांना उधाण आले आहे. यामुळे पाकिस्तानी अभिनेता 8 वर्षांनंतर बॉलिवूडमध्ये पुनरागमन करणार असल्याचे बोलले जात होते.पाकिस्तानी अभिनेता फवाद खान ‘भूल भुलैया ३‘ या चित्रपटात कॅमिओ भूमिकेत दिसणार असल्याच्या चर्चांना उधाण आले आहे. यामुळे पाकिस्तानी अभिनेता 8 वर्षांनंतर बॉलिवूडमध्ये पुनरागमन करणार असल्याचे बोलले जात होते. मात्र ‘भूल भुलैया ३‘चे निर्माते भूषण कुमार यांनी फवाद खानच्या या चित्रपटातील एन्ट्रीच्या बातम्या खोट्या असल्याचे म्हटले आहे. भूषण कुमार यांच्या या वक्तव्यामुळे परिस्थिती नक्कीच स्पष्ट झाली आहे, पण यामुळे भारतातील फवाद खानच्या चाहत्यांना धक्का बसला आहे, कारण ते बर्याच दिवसांपासून फवाद खानला हिंदी चित्रपटात पाहण्याची वाट पाहत होते.

रणबीर कपूर आणि अनुष्का शर्मा अभिनीत ‘ऐ दिल है मुश्किल‘ हा फवाद खानचा शेवटचा हिंदी चित्रपट होता, जो २०१६ मध्ये प्रदर्शित झाला होता. यानंतर त्याने बॉलिवूडच्या कोणत्याही चित्रपटात त्याने काम केले नाही. त्यामुळे त्याला मोठ्या पडद्यावर पाहण्यासाठी त्याचे भारतीय चाहते आठ वर्षांपासून आतुर आहेत.(Fawad Khan Bollywood Comeback)

==============================

हे देखील वाचा: प्राइम व्हिडिओवर भारतात सर्वाधिक पाहिली गेलेली शो सिरीज ठरली ‘मिर्झापूर 3’

==============================

मात्र, काही दिवसांपूर्वी त्याच्याविषयी अशी ही बातमी आली होती की, तो वाणी कपूरसोबत एका चित्रपटाच्या माध्यमातून पुनरागमन करणार आहे. तो एक आंतरराष्ट्रीय प्रकल्प एक हिंदी भाषेतील चित्रपट असणार असुन ज्याचे संपूर्ण चित्रीकरण युनायटेड किंगडममध्ये केले जाईल. मात्र, याबाबत अद्याप कोणतीही अधिकृत घोषणा करण्यात आलेली नाही