गीता गोविंदमचा पार्ट 2 येणार का?
गीता गोविंदम (Gita Govindam) हा चित्रपट 2018 मध्ये मोठ्या पडद्यावर आला. मुळात तेलुगु-भाषेतील रोमँटिक कॉमेडी चित्रपटाचे दिग्दर्शन परशुराम पेटला यांनी केले होते. त्यांनीच या चित्रपटाची कथा लिहिली आहे. एक हळुवार प्रेमकथा असलेल्या या चित्रपटात विजय देवरकोंडा आणि रष्मिका मंदाना यांचा अप्रतिम अभिनय आहे. शिवाय अत्यंत सुमधूर अशी गाणी. हा चित्रपट टॉलिवूडमध्ये सुपरहिट ठरलाच पण अन्य भाषांमध्येही आल्यावर तो हिटच होता. फारकाय ओटीटीवरही या चित्रपटाचे चांगलेच स्वागत झाले. या चित्रपटाचा दुसरा भाग कधी येणार याची उत्सुकता आता प्रेक्षकांना लागून राहिली आहे. त्यातच काही दिवसांपूर्वी दिग्दर्शक परसुराम पेटला आणि विजय देवरकोंडा यांनी आपण एकत्र काम करत असल्याची माहिती दिली. त्याबरोबरच गीता गोविंदमचा दुसरा भाग येणार असल्याची चर्चा सुरु झाली. मात्र विजयनं या चर्चेला विराम देत हा गीता गोविंदमचा (Gita Govindam) दुसरा भाग नसल्याची माहिती दिली आहे. या चित्रपटात विजय सोबत समंथा प्रभू ही प्रमुख भूमिकेत असणार आहे.
विजय देवरकोंडा यांनी गीता गोविंदमचे (Gita Govindam) दिग्दर्शक परशुराम पेटला यांच्याबरोबर एक नवा चित्रपट साईन केला आहे. काही दिवसांपूर्वी या चित्रपटाची अधिकृत घोषणा करण्यात आली. दिल राजू आणि शिरीष संयुक्तपणे हे या चित्रपटाची निर्मिती करणार आहेत. दक्षिण चित्रपटसृष्टीतील सुपरस्टार असलेला विजय देवरकोंडा यांचा लायगर हा चित्रपट बॉक्स ऑफिसवर फ्लॉप ठरला. हिंदीमध्ये त्याची फारशी जादू चालली नाही. सुपरस्टार असलेल्या विजयच्या नावापुढे पहिल्यांदाच फ्लॉपचा शिक्का लागला. आता विजय पुन्हा एका ब्लॉकबस्टर चित्रपटाच्या शोधात होता. त्यात त्यानं खुशी या चित्रपटाची तयारी सुरू केल्याची माहिती आहे. विजयचा सुपरहिट ठरलेला चित्रपट गीता गोविंदमचे (Gita Govindam) दिग्दर्शक परशुराम पेटला यांच्याबरोबरच तो पुन्हा काम करत आहे. विजयचा परशुराम यांच्यासोबतचा हा दुसरा चित्रपट आहे. विजय त्याचा लायगर चित्रपट फ्लॉप झाल्यावर निराश झाल्याचे सांगण्यात येत होते. या फ्लॉप नंतर त्यानं एक ब्रेक घेतला. हा काळ विजयनं त्याच्या कुटुंबासोबत घालवला. या निराशेतून बाहेर आल्यावर विजय नव्या चित्रपटाच्या तयारीला लागला आहे. हा खुशी नावाचा चित्रपट आहे. त्याचे शुटींग लवकरच सुरु होणार आहे.
खुशी हा बिगबजेट चित्रपट आहे. या चित्रपटाची घोषणा झाल्यावर गीता गोविंदमचा (Gita Govindam) सिक्वल आहे का? याची चर्चा सुरु झाली. मात्र विजयनं हा सिक्वल नसल्याचे स्पष्ट केले आहे. या चित्रपटात विजयसोबत समंथा प्रभू दिसणार आहे. हा चित्रपट रोमँटिक ड्रामा आहे. लवकरच या चित्रपटाच्या शूटिंगला सुरुवात होणार आहे. लायगर फ्लॉप झाल्यावरही विजयकडे अनेक चांगले चित्रपट आले होते. पण कोणताही चित्रपट स्विकारण्यापूर्वी त्याची कथा कशी आहे, हे जाणणे गरजेचे असल्याचे त्यांनी सांगितले. प्रेक्षकांना माझे रोमॅंटिक चित्रपट आवडतात. त्यामुळेच खुशी हा चित्रपट स्विकारल्याचे त्यांनी सांगितले.
=====
हे देखील वाचा : सामंथाची 30 किलोची साडी आणि कोटींचे दागिने….
=====
2018 मध्ये आलेल्या विजय आणि रष्मिकाच्या गीता गोविंदमनं (Gita Govindam) बॉक्स ऑफीसवर रेकॉर्ड केला होता. 5 कोटींच्या बजेटमध्ये तयार झालेल्या या चित्रपटानं 132 कोटींची कमाई केली. समीक्षकांनीही या चित्रपटाचे परीकथा या वाक्यात कौतुक केले होते. अत्यंत साधी सोप्पी प्रेमकथा असलेल्या या चित्रपटातील गाणीही तेवढीच लोकप्रिय ठरली. त्यातील “इंकेम इंकेम इंकेम कावाले” हे गाणे रिलीज झाल्यावर युट्यूबवर 1 दशलक्ष वेळा बघण्यात आले. हा एक रेकॉर्ड ठरला. ओटीटीवरही गीता गोविंदम (Gita Govindam) सर्वाधिक बघितला जाणारा चित्रपट ठरला. त्यामुळेच या चित्रपटाच्या सिक्वलची मागणी करण्यात येणार आहे. पण योग्य कथा तयार झाल्याशिवाय सिक्वलची घोषणा करण्यात येणार नसल्याचे चित्रपटाच्या दिग्दर्शकांनी स्पष्ट केले आहे.