Dhurandhar Part 2 चित्रपटाला टक्कर देणार साऊथच्या ‘या’ सुपरस्टारचा चित्रपट

सध्या सगळीकडे रणवीर सिंगच्या (Ranveer Singh) ‘धुरंधर’ चित्रपटाचीच हवा आहे… आदित्य धर दिग्दर्शित हा चित्रपट सत्य घटनांवर आधारित असून ‘धुरंधर’ (Dhurandharने बॉक्स ऑफिसवरही धुमाकुळ घातला आहे… अवघ्या ४ दिवसांमध्ये १६० कोटींचा आकडा पार करत या चित्रपटाने नवा रेकॉर्ड केला आहे… लवकरच ‘धुरंधर पार्ट २’ येणार असून पुढच्या वर्षात या चित्रपटाची टक्कर साऊथच्या बिग बजेट चित्रपटासोबत होणार आहे… कोणता आहे तो चित्रपट आणि त्यात ९०० कोटींचं बजेट आपल्या नावावर असणारा अभिनेता कोण असणार आहे जाणून घेऊयात… (Bollywood and South Movie)

तर, ‘धुरंधर पार्ट २’ (Dhurandhar part 2) या चित्रपटाची टक्कर ‘केजीएफ’ (KGF) फेम यश याच्या ‘टॉक्सिक: अ फेयरी टेल फॉर ग्रोन-अप्स’ (Toxic: A Fairy Tale for Grown-Ups) चित्रपटाशी होणार आहे… नुकतंच या चित्रपटाचं पहिलं पोस्टर रिलीज झालं असून यावर १०० दिवस बाकी असं लिहिलं आहे.. शिवाय, या पोस्टरमध्ये चित्रपटाची रिलीज डेट १९ मार्च २०२५ ही लिहिली असून याच दिवशी ‘धुरंधर २’ रिलीज होणार आहे… त्यामुळे भारतात ९०० कोटींचं बॉक्स ऑफिस कलेक्शन नावावर असणाऱ्या यशच्या चित्रपटासमोर रणवीर सिंगचा धुरंधर २ टिकणार का? असा प्रश्न आता सिनेविश्वात उपस्थित झाला आहे… (Ranveer Singh and Yash)

अर्थात रणवीर सिंग याचे चाहते बॉलिवूडमध्ये आहेतच पण यश हा पॅन इंडियात फेमस असल्यामुळे आता नेमका कोणाचा चित्रपट बाजी मारणार हे १९ मार्च २०२६ रोजी पाहणं महत्वाचं असणार आहे… शिवाय, यश (Yash) याचा केजीएफ ३ देखील येणार असून तो कधी येणार याकडे प्रेक्षकांचं विशेष लक्ष लागलं आहे… दरम्यान, ‘टॉक्सिक’ या चित्रपटात यशसोबत करिना कपूर (Kareena Kapoor) दिसणार होती, मात्र काही कारणामुळे तिने या चित्रपटातून एक्झिट घेतली. आणि आता तिच्या जागी अभिनेत्री नयनतारा (Nayantara) यशच्या बहिणीची भूमिका साकारणार आहे. (Entertainment News)

================================

हे देखील वाचा : Dhurandhar चं ‘हे’ गाणं धुमाकूळ घालतयं… पण ते आहे कोणाचं ?

================================

दरम्यान, ‘टॉक्सिक’ या चित्रपटात यश याने अभिनयासोबत कथेचं लिखाणही केलं आहे… तर, गीतु मोहंदास यांनी लेखक आणि दिग्दर्शक अशी दुहेरी जबाबदारी सांभाळली आहे… ‘टॉक्सिक: अ फेयरी टेल फॉर ग्रोन-अप्स’ हा मूळ कन्नड भाषेतील चित्रपट हिंदी, तेलुगु, तामिळ आणि मल्याळम भाषेत रिलीज होणार होणार आहे. त्यामुळे आता ‘धुरंधर पार्ट २’ की ‘टॉक्सिक’ कोणता चित्रपट सरस ठरणार याचं उत्तर १९ मार्च २०२६ रोजी मिळणार आहे…

Get Latest Marathi Entertainment update | Movies Reviews in Marathi | Celebrities Update in Marathi