चाहत फतेह अली खानचे ‘बदो बदी’ हे गाणे ‘या’ कारणामुळे यूट्यूबवरून हटवले
पाकिस्तानी गायक चाहत फतेह अली खान यांचे ‘बदो बदी‘ हे गाणे तुम्ही अनेकदा ऐकले असेल आणि अनेकांनी त्यावर रील्सही बनवल्या आहेत त्याही तुम्ही पाहील्या असतीलच. या गाण्यावर लोकांनी जबरदस्त इंस्टाग्राम रील्स बनवले आहेत आणि त्यावर मीम्सही खूप व्हायरल झाले आहेत. पण आता हे गाणं यूट्यूबवरून हटवण्यात आलं आहे. या गाण्याची चर्चा पाकिस्तानातच नाही तर भारतातही होत आहे. मात्र बदो बदी या गाण्यामुळे बहुतांश लोक चाहत फतेह अली खानला ट्रोल करत आहेत. याच दरम्यान या गायकासाठी एक वाईट बातमी येत आली आहे. आणि ती अशी की आता हे बदो बदी गाणं यूट्यूबवरून हटवण्यात आलं आहे. बदो बदी हे सध्या युट्यूबवर सर्वाधिक पाहिले जाणारे गाणे होते. जाणून घेऊया नेमकं हे प्रकरण काय आहे. (Bado Badi Song Deleted from YouTube)
पाकिस्तानी गायक चाहत फतेह अली खानचं ‘बदो बदी‘ हे गाणं गेल्या काही काळापासून बरेच चर्चेत आहे. चाहत फतेह अली खान चे हटके गायन आणि म्युझिक व्हिडिओने नेटकऱ्यांचे लक्ष वेधून घेतले होतो आणि लवकरच हे एक गाणे मीम्स मध्येही फेमस झाले. पण आता यूट्यूबवर कॉपीराईट उल्लंघनाच्या तक्रारीनंतर चाहत फतेह अली खानचे बदो बदी हे गाणे हटवण्यात आले आहे.
बदो बदी हे गाणे कॉपीराईटमुळे यूट्यूबवरून हटवण्यात आले आहे. खरं तर हे गाणं प्रसिद्ध गायिका नूरजहाँच्या क्लासिक ट्रॅकचं कव्हर आहे. जे नुकतेच चाहत फतेह अली खान यांनी गायले आहे. त्याच्या म्युझिक व्हिडिओला एका महिन्यात यूट्यूबवर १२८ दशलक्षांहून अधिक व्ह्यूज मिळाले होते. ‘डेक्कन हेराल्ड’ने दिलेल्या वृत्तानुसार, नूरजहाँच्या १९७३ मधील ‘बनारसी ठग‘ चित्रपटातील गाण्याशी या गाण्याचे बोल जुळत असल्याने कॉपीराईटच्या उल्लंघनाची तक्रारी झाली झाला.(Bado Badi Song Deleted from YouTube)
==============================
हे देखील वाचा: यंदाचा ‘बिग बॉस ओटीटी 3’ शो अभिनेता अनिल कपूर होस्ट करणार
==============================
चाहत फतेह अली खान यांनी यावर्षी एप्रिलमध्ये बदो बदी हे गाणे गायले होते, जे भारत, पाकिस्तान आणि बांगलादेशसह संपूर्ण आशियात व्हायरल झाले होते. लॉकडाउनच्या काळात चाहत फतेह अली खान प्रसिद्धीस आला, पण गेल्या दोन महिन्यांत सोशल मीडियावर त्याची लोकप्रियता शिगेला पोहोचली आणि त्याच्या गाण्यांवर हजारो व्हायरल रील्स आणि मीम्स तयार झाले आणि पाकिस्तानात त्याला अनेक मुलाखती आणि पॉडकास्टसाठी आमंत्रित करण्यात आले होते. मात्र आता बदो बदी हे गाणं हटवल्यामुळे चाहत फतेह अली खान दु:खाचा डोंगक कोसळला असेल यात शंका नाही.
