विंचूंसोबत स्टंट करणे पडले महागात; ‘खतरों के खिलाडी’च्या स्टंट दरम्यान शालीन भनोट जखमी

‘खतरों के खिलाडी’च्या 14 व्या सीझनमध्ये स्टंट करताना टीव्ही अभिनेता आणि बिग बॉसचा माजी स्पर्धक शालीन भनोट चा मोठा अपघात झाल्याची बातमा समोर आली आहे. शालीन स्टंट करत होता आणि त्यावेळी त्याला २०० विंचूंमध्ये राहावे लागणार होते.. पण या धोकादायक स्टंटदरम्यान प्रकरण त्याच्या अंगीशी आले असं म्हणणे वावगे ठरणार नाही कारण या स्टंट दरम्यान विंचूने त्याचा चावा घेतला. स्वत: शालीन भनोटने आपल्या इन्स्टाग्रामवर या स्टंटनंतरचा एक व्हिडिओ शेअर केला आहे. या व्हिडिओमध्ये शालीनचा चेहरा खूप सुजलेला पाहााला मिळत असून वैद्यकीय कर्मचारी त्याच्यावर उपचार करताना ही दिसत आहेत. ‘तुम्हा सर्वांसाठी काहीही‘ असं कॅप्शन लिहीत शालीनने हा व्हिडिओ शेअर केला आहे. (Shalin Bhanot In Khatron Ke Khiladi)

रोहित शेट्टीच्या शोचे म्हणजेच खतरों के खिलाडी’च्या 14 व्या सीझनचे शूटिंग रोमानियात होत आहे. स्पर्धकांच्या भांडणामुळेही हा शो नेहमीच चर्चेत असतो. अलीकडेच रोहित शेट्टीने मर्यादा ओलांडून आसिम रियाजला बाहेरचा रस्ता दाखवला. मात्र, नंतर आसिमने आपल्या चुकीबद्दल माफी मागितली, ज्यामुळे त्याला पुन्हा शोमध्ये घेण्यात आले, असे सांगितले जात आहे. असिमा आणि अभिषेक कुमार यांच्यात जोरदार भांडण झाल्याची बातमी समोर आली होती.

अलीकडेच शालीन भनोटने आपल्या एका स्टंटदरम्यान जबरदस्त परफॉर्मन्स दिल्याची ही बातमी समोर आली होती. कोणत्याही मदतीशिवाय त्याने स्टंट पूर्ण केला, त्यानंतर केवळ स्पर्धकच नाही तर होस्ट रोहित शेट्टीनेही त्याचे कौतुक केले. पण वाहवा मिळवणारी शालीन आता विंचूच्या दंशाला बळी पडला आहे. मात्र, स्टंटदरम्यान वापरण्यात येणारे विंचू विषारी नसतील, हे ही आता स्पष्ट झाले आहे.(Shalin Bhanot In Khatron Ke Khiladi)

==============================

हे देखील वाचा: Bigg Boss OTT 3 मध्ये सामिल होणार अभिनेता जावेद जाफरी?

==============================

खतरों के खिलाडीचा 14 वा सीझन पुढच्या महिन्यापासून म्हणजेच जुलैपासून टीव्हीवर टेलिकास्ट होणार आहे. स्पर्धक सध्या या शोच्या शूटिंगमध्ये व्यस्त आहेत. हा शो जवळपास 3 महिने चालणार असून त्याचे बहुतांश शूटिंग रोमानियामध्ये होणार असल्याच समजत आहे.