Aata Thambaych Naay : भरत-सिद्धार्थच्या चित्रपटाची बॉक्स ऑफिसवर कमाल कमाई!

बऱ्याच वर्षांनंतर मराठी चित्रपटसृष्टीतील कमाल जोडी भरत जाधव (Bharat Jadhav) आणि सिद्धार्थ जाधव (Siddharth Jadhav) ‘आता थांबायचं नाय’ या चित्रपटाच्या निमित्ताने एकत्र आले आहेत. मुंबईतील सफाई कामरागांच्या जीवनावर आधारित चित्रपटाचं कथानक असून प्रेक्षकांनी चित्रपटाला उदंड प्रतिसाद दिला आहे. १ मे २०२५ रोजी प्रदर्शित झालेल्या या चित्रपटाने आत्तापर्यंत बॉक्स ऑपिसवर किती कमाई केली जाणून घेऊयात… (Marathi movie)

सॅकनिल्कच्या रिपोर्टनुसार ‘आता थांबायचं नाय’ चित्रपटाचे पहिल्या दिवशी ४५ लाख, दुसऱ्या दिवशी १४ लाख, तिसऱ्या १७ लाख, चौथ्या दिवशी ४ लाख, पाचव्या दिवशी १६ लाख, सहाव्या दिवशी १२ लाख, सातव्या दिवशी १३ लाख, आठव्या दिवशी १८ लाख, नवव्या दिवशी १४ लाख, दहाव्या दिवशी ३८ लाख, अकराव्या दिवशी ९६ लाख, बाराव्या दिवशी २ लाख, तेराव्या दिवशी २२ लाख कमवून आत्तापर्यंत ३.३६ कोटींची कमाई केली आहे. (Aata thambayach nay movie box office collection)

================================

हे देखील वाचा: Box Office Collection : ‘गुलकंद’ आणि ‘आता थांबायचं नाय’ चित्रपटांची बक्कळ कमाई!

=================================

आता थांबायचं नाय चित्रपटात भरत जाधव, सिद्धार्थ जाधव, आशुतोष गोवारीकर, रोहिणी हट्टंगडी, प्राजक्ता हनमघर अशा दिग्गज कलाकारांची फौज आहे. विशेष म्हणजे त्याच दिवशी हिंदीतील रेड २ चित्रपटही प्रदर्शित झाला होता. मात्र, या चित्रपटासोबत तगडा सामना देत प्रेक्षकांना मराठी चित्रपटांकडे खेचून आणण्याचं काम आता थांबायचं नाय चित्रपटाने केलं आहे. (Aataa Thambayach nay cast)