Box Office Collection : ‘गुलकंद’ आणि ‘आता थांबायचं नाय’ चित्रपटांची बक्कळ कमाई!

२०२५ हे वर्ष मराठी चित्रपट आणि प्रेक्षकांसाठी फार खास आहे असं वाटत आहे. कारम, गेल्या काही महिन्यांपासून वेगवेगळ्या विषयांवर आधारित चित्रपट प्रदर्शित होत असून प्रेक्षक हिंदी प्रमाणेच मराठी चित्रपटांनाही पुन्हा गर्दी करत असल्याचं सुखद चित्र दिसून येत आहे. १ मे रोजी हिंदीच्या रेड २ सोबत गुलकंद आणि आता थांबायचं नाय हे दोन मराठी चित्रपट प्रदर्शित झाले. प्रेक्षकांनी या दोन्ही चित्रपटांना भरभरुन प्रतिसाद दिला असून बॉक्स ऑफिसवरील दोन्ही चित्रपटांच्या कमाईची आकडेवारी समोर आली आहे. (Entertainment)

बॉक्स ऑफिसवर सध्या हिंदी, मराठी आणि दाक्षिणात्य अशा तिन्ही भाषेतील चित्रपटांची तगडी स्पर्धा पाहायला मिळतेय. बॉलिवूडचे काही बिग बजेट चित्रपट बॉक्स ऑफिसवर असताना मराठीतील हे दोन चित्रपट प्रेक्षकांना थिएटरमध्ये खेचून आणण्यात यशस्वी झाले आहेत. (Bollywood news)

‘गुलकंद’ चित्रपटाच्या कमाईबद्दल सांगायचं झालं तर चित्रपटाने पहिल्या दिवशी ५५ लाख, दुसऱ्या दिवशी २५ लाख, तिसऱ्या दिवशी ४२ लाख, चौथ्या दिवशी ५७ लाख , पाचव्या दिवशी २३ लाख , सहाव्या दिवशी २२ लाख, तर सातव्या दिवशी ४ लाखांचा गल्ला जमवला असून सात दिवसांत तब्बल २.३८ कोटींची कमाई केली आहे. या चित्रपटात सई ताम्हणकर,समीर चौघुले,प्रसाद ओक,ईशा डे,तेजस राऊत,जुई भागवत या कलाकारांच्या भूमिका आहेत. (Gulkand box office collection)

तर, ‘आता थांबायचं नाय’ या चित्रपटाची कथा मुंबईतल्या सफाई कामगारांवर आधारित आहे.  या चित्रपटाने पहिल्या दिवशी ४५ लाख, दुसऱ्या दिवशी १४ लाख, तिसऱ्या दिवशी, १७ लाख, चौथ्या दिवशी ४ लाख, पाचव्या दिवशी १६ लाख, सहाव्या दिवशी १२ लाख तर सातव्या दिवशी १३ लाखांचा गल्ला जमवून आत्तापर्यंत १.५७ कोटींच्या जवळपास कमाई केली आहे. या चित्रपटात भरत जाधव, सिद्धार्थ जाधव, आशुतोष गोवारीकर अशा अनेक कलाकारांच्या प्रमुख भूमिका आहेत. (Atta thambaych nay box office collection)