Sonali Bendre हिने अखेर तिच्या आणि राज ठाकरे यांच्या नात्याबद्दल मौन सोडलं!

बॉलिवूडचा ९०चा आणि २०००चा सुरुवातीचा काळ गाजवणारी लोकप्रिय अभिनेत्री म्हणजे सोनाली बेंद्रे (Sonali Bendre). कॅन्सरचं निदान झाल्यानंतर परदेशात उपचारासाठी गेलेली सोनाली बेंद्रे पुन्हा चित्रपटात काही दिसलीच नाही. पण ९०चं दशक आपल्या अभिनय आणि सौंदर्याने गाजवणारी सोनाली आणखी एका कारणामुळे विशेष चर्चेत होती. आणि ते कारण म्हणजे राज ठाकरे आणि सोनाली बेंद्रे यांचं नातं. काही महिन्यांपूर्वी एका कार्यक्रमात २०-२५ वर्षांनी सोनाली आणि राज ठाकरे (Raj Thackeray) एकाच मंचावर दिसले होते. यावेळी नजरेने राज ठाकरे यांनी सोनाली खुनावत असल्याचा एक व्हिडिओ व्हायरल झाला होता. आता या व्हिडिओवर राज ठाकरे यांच्यासोबतच्या नात्यावर सोनाली बेंद्रेने खुलासा केला आहे.(Entertainment news)

बऱ्याच वर्षांपुर्वी मनसे अधयक्ष राज ठाकरे आणि सोनाली बेंद्रे यांच्यात विशेष नातं होतं आणि राज ठाकरेंना सोनालीशी लग्न करायचं होतं पण ते शक्य झालं नव्हतं अशा चर्चा देखील रंगल्या होत्या. अशातच बऱ्याच वर्षांनंतर सोनाली आणि राज यांचा कार्यक्रमातील एक व्हिडिओ व्हायरल झाला होता. त्याबद्दल सोनालीला ‘एएनआय’ वृत्तसंस्थेने त्या व्हायरल व्हिडीओवरून प्रश्न विचारला होता. “त्या व्हिडीओनंतर सर्वत्र चर्चा सुरू झाली की वीस वर्षांपूर्वी राज ठाकरे यांचं सोनालीवर क्रश होतं”. त्यावर सोनाली म्हणाली की, “तसं खरंच होतं का?… मला तर शंका वाटते.” पुढे त्या व्हायरल क्लिपबद्दल सोनाली म्हणाली, “मी तिथे माझ्या बहिणीशी बोलत होते, जी तिथेच उभी होती. आणि जेव्हा लोकं असं काहीतरी बोलतात तेव्हा मला अजिबात आवडत नाही. यात कुटुंबही सहभागी असतात आणि इतर लोकसुद्धा त्यात सहभागी असतात.”(Bollywood)

पुढे सोनाली हिने ठाकरे आणि बेंद्रे कुटुंबातील नातेसंबंध फार जुने असल्याचं म्हटलं. सोनाली म्हणाली की, “माझे भावजी क्रिकेटर आहेत आणि ते राजच्या चुलत बहिणीच्या पतीसोबत क्रिकेट खेळायचे. दुसरी गोष्ट म्हणजे माझ्या बहिणीची सासू रुईयामध्ये, हेड ऑफ डिपार्टमेंट होत्या, ज्या रुईया कॉलेजमध्ये इंग्लिश लिटरेचरही शिकवायच्या. तिथेच माझंही शिक्षण झालं होतं. त्यामुळे ते सर्वजण एकमेकांना ओळखायचे. राज यांची पत्नी शर्मिला, त्यांची सासू आणि माझी मावशी यांच्यातही खूप चांगली मैत्री आहे. शर्मिला (Sharmila Raj Thackeray) यांच्या आईने मला दहा दिवसांपर्यंत त्यांच्याकडे ठेवलं होतं”, असं ती पुढे म्हणाली. सरतेशेवटी यापलीकडे मी राज ठाकरेला अधिक ओळखत नसल्याचं सोनाली म्हणाली.(Bollywood Masala)

खरं तर बॉलिवूडमधले कलाकार आणि राजकारणी यांच्यातील नातेसंबंध जोडले जातात. त्यांच्या अफेरच्या चर्चा रंगतातच. राज ठाकरे आणि सोनाली बेंद्रे यांच्याही नात्याबद्दल ९०च्या दशकात फार बोललं गेलं होतं. पण आता जवळपास २०-३० वर्षांनी अखेर सोनाली बेंद्रे हिने अफेरच्या चर्चांना पुर्णविराम लावला आहे. (Bollywood tadaka)

================================

हे देखील वाचा: Mahesh Kothare : ‘पछाडलेला’ चित्रपटआणि सुलोचना दीदींचं कनेक्शन काय?

=================================

सोनाली बेंद्रे (Sonali Bendre) हिच्या सिनेकारकिर्दिबद्दल बोलायचं झालं तर, १९९४ साली ‘आग’ या चित्रपटातून सोनालीने अभिनयाची सुरुवात केली होती. त्यानंतर ‘नाराज’, ‘रक्षक’, ‘भाई’, ‘अंगारे’, ‘ड्युपलिकेट’, ‘मेजर साब’, ‘सरफरोश’, ‘हम साथ साथ है’, ‘हमारा दिल आपकें पास है’, ‘चोरी चोरी’, ‘शंकर दादा एम.बी.बी.एस’ अशा हिंदीसह साऊथ चित्रपटांमध्येही सोनालीने कामं केली आहेत. (Sonali Bendre Movies)