राष्ट्रीय पुरस्कार विजेता मराठमोळा गायक झळकणार शाहिद कपूरच्या O’Romeo चित्रपटात!

शाहिद कपूर याची प्रमुथ भूमिका असलेला ‘ओ रोमिओ’ (O’Romeo) चित्रपट लवकरच आपल्या भेटीला येणार असून पुन्हा एकदा दिग्दर्शक विशाल भारद्वाज आणि शाहिदची जोडी आपलं मनोरंजन करताना दिसणार आहे. या चित्रपटात नाना पाटेकर (Nana Patekar), फरिदा जलाल असे सिनियर कलाकार तर आहेतच, पण याच यादीत राष्ट्रीय पुरस्कार विजेता मराठमोळा गायक एक महत्वाची भूमिका साकारणार आहे. तो कोण आहे जाणून घेऊयात…

तर, ‘मी वसंतराव’, ‘कट्यार काळजात घुसरी’, ‘अमलताश’ या चित्रपटांमधून आपल्या गायन आणि अभिनयाची छाप आपल्या मनावर उमटवणारा गायक राहूल देशपांडे (Rahul Deshpande) ‘ओ रोमिओ’ चित्रपटात झळकणार आहे. चित्रपटाच्या ट्रेलरमध्ये त्याची झलक दिसली असून यात तो पोलिस अधिकाऱ्याची भूमिका साकारणार असं दिसून येतंय. आता नेमकी त्याचं आणि शाहिद कपूरच्या कॅरेक्टरचं काय कनेक्शन असणार याचं उत्तर चित्रपट रिलीज झाल्यानंतरच मिळणार आहे. (Bollywood movie 2026)

दरम्यान, विशाल भारद्वाज (Vishal Bharadwaj) यांचा चित्रपट म्हटलं तर धमाका असणारच. ‘कमीने’, ‘हैदर’ आणि ‘रंगून’नंतर शाहिद आणि विशाल यांचा हा चौथा एकत्र चित्रपट आहे. साजिद नाडियाडवाला निर्मित ‘ओ रोमिओ’मध्ये प्रेक्षकांना अमेरिकेत प्रचलित असणाऱ्या ‘वेस्टर्न स्टोरीज’ या कथानकांवर आधारित कथा पाहायला मिळणार असं दिसतंय. तसेच, हा चित्रपट हुसैन झैदी यांच्या ‘माफिया क्वीन्स ऑफ मुंबई’ या पुस्तकातील हुसैन उस्ताराच्या कथेवर आधारित आहे.

================================

हे देखील वाचा : O Romeo : नाना पाटेकरांनंतर आता शाहिद आणि विशाल यांच्यातही वाद?

================================

‘ओ रिमिओ’ चित्रपटात शाहिद कपूर, नाना पाटेकर, फरिदा जलाल, तृप्ती डिमरी (Tripti Dimri), राहूल देशपांडे, दिशा पटानी, अविनाश तिवारी, शक्ती कपूर आणि राम कपूर अशी तगडी स्टारकास्ट झळकणार आहे. देशभरात हा चित्रपट १३ फेब्रुवारी २०२६ रोजी रिलीज होणार आहे. त्यामुळे आता पुन्हा एकदा शाहिद कपूरला वेगळ्या अवतारात पाहायला त्याचे चाहते उस्तुक आहेत. (Entertainment News)

Get Latest Marathi Entertainment update | Movies Reviews in Marathi | Celebrities Update in Marathi