OTT गाजवल्यानंतर ‘सुंदरा’ आता हिंदी मालिकेमध्ये झळकणार; Akshaya Naik च्या नव्या भूमिकेची होतेय चर्चा…

मराठी प्रेक्षकांच्या मनात ‘सुंदरा’ म्हणून घर करणारी नायिका म्हणजे अक्षया नाईक (Akshaya Naik) पुन्हा एकदा चर्चेच्या केंद्रस्थानी आली आहे. छोट्या पडद्यावरून सुरुवात केलेल्या तिच्या कारकिर्दीने आता ओटीटीपर्यंत दमदार मजल मारली आहे. विशेष म्हणजे, डिजिटल विश्वात छाप पाडल्यानंतर ती पुन्हा नव्या एकदा जोमाने टेलिव्हिजनकडे वळत आहे.पण मराठी नाही तर हिंदी टेलिव्हिजनकडे. अक्षयाने आपल्या अभिनय प्रवासाची सुरुवात हिंदी मालिकांमधून केली. त्यानंतर मराठी मालिकेतून तिला खरी ओळख मिळाली. सुंदरा मनामध्ये भरली या मालिकेमुळे ती घराघरांत पोहोचली आणि तिच्या सहज, भावनिक अभिनयाने प्रेक्षकांची मनं जिंकली.(Actress Akshaya Naik)

अलीकडेच अक्षया नेटफ्लिक्सवरील Taskaree या एका गाजलेल्या वेब सिरीजमध्ये महत्त्वाच्या भूमिकेत झळकली. त्या सिरीजमध्ये तिने साकारलेली ‘स्वाती साळुंखे’ ही लेडी स्मगलरची व्यक्तिरेखा विशेष गाजली. या भूमिकेसाठी तिला प्रेक्षकांकडून आणि समीक्षकांकडूनही सकारात्मक प्रतिसाद मिळाला. या सीरीज मध्ये ती इमरान हाश्मीसह अनेक मोठ्या कलाकारांबरोबर झळकली होती. तसेच ग्रेटर कलेश या चित्रपटातील तिची छोटी पण लक्षवेधी भूमिका देखील चर्चेत राहिली. विविध माध्यमांतून वेगवेगळ्या छटांच्या भूमिका साकारत अक्षया स्वतःला सातत्याने नव्या पातळीवर सिद्ध करताना दिसते.

आता ती ‘अँड टीव्ही’वरील हे भगवान कितना बदल गया इंसान ( He Bhagwan Kitna Badal Gaya Insaan) या आगामी मालिकेत महत्त्वाची भूमिका साकारणार असल्याची माहिती समोर आली आहे. या नव्या प्रोजेक्टबद्दल बोलताना अक्षयाने टेलिव्हिजनच्या रूटीनची तिला उणीव भासत असल्याचे सांगितले. दररोज कॅमेऱ्यासमोर उभं राहण्याची आणि अभिनयाचा सातत्याने सराव करण्याची मजा तिला पुन्हा अनुभवायची आहे. (Actress Akshaya Naik)

===============================

हे देखील वाचा: Bigg Boss Marathi 6: ‘मी तिच्या आयुष्यातून निघालो तरचं…’ घराबाहेर येताच आयुषने सांगितलं तन्वीसोबतच्या दुराव्याचं खरं कारण…

===============================

अभिनय आणि फॅशनसोबतच अक्षया नाईक क्लाऊनिंगसारख्या वेगळ्या आर्ट फॉर्ममधूनही प्रेक्षकांचं मनोरंजन करते. कलाकार म्हणून विविध प्रयोग करण्याची तिची तयारीच तिची खास ओळख ठरते.