अभिनेत्री करिष्मा कपूर India’s Best Dancer 4 च्या जजिंग पॅनलमध्ये सामील

सोनी एंटरटेनमेंट टेलिव्हिजन ‘इंडियाज बेस्ट डान्सर – सीझन ४’ हा डान्स रिअॅलिटी शो मनोरंजनाचा पारा उंचावण्यास सज्ज झाला आहे. आणि आता याबरोबरच अजून एक आनंदाची बातमी ही आहे. बॉलिवूड अभिनेत्री करिश्मा कपूर 90 च्या दशकातील टॉप अभिनेत्रींपैकी एक आहे. एके काळी तिने आपल्या दमदार अभिनयाने सर्वांना वेड लावले होते. रोमँटिक चित्रपट असो किंवा कॉमेडी, सुसंस्कृत मुलीची व्यक्तिरेखा असो किंवा धाकड मुलीची भूमिका असो, ती प्रत्येक भूमिकेत फिट बसते. सध्या ती चित्रपटांपासून दूर असली तरी आता ती ‘इंडियाज बेस्ट डान्सर ४’ या शोमध्ये सामील होण्याबाबत चर्चा सुरु आहे. गेल्या सीझनमध्ये सोनाली बिंद्रे जजच्या खुर्चीवर आपल्याला दिसली होती, तर या वेळी आता करिश्मा कपूर ‘इंडियाज बेस्ट डान्सर ४’च्या परीक्षक पॅनेलमध्ये आणि स्पर्धकांच्या यादीत सामील झालेली आपल्याला पहायला मिळणार आहे.(India’s Best Dancer 4)

बॉलिवूडची डान्सिंग दिवा करिश्मा कपूर इंडियाज बेस्ट डान्सर ४’ या शोमध्ये परीक्षकाच्या भूमिकेत झळकणार आहे. या सीझनमध्ये परीक्षक म्हणून पुनरागमन करताना त्याच्यासोबत टेरेंस लुईस आणि गीता कपूर देखील असतील. फ्रेम्स प्रॉडक्शन कंपनी निर्मित आणि जय भानुशाली आणि माजी स्पर्धक अनिकेत चौहान यांनी होस्ट केलेल्या ‘जब दिल करे डान्स कर!’ या बहुचर्चित डान्स रिअॅलिटी शोच्या चौथ्या सीझनमध्ये प्रेक्षकांना आमंत्रित करण्यात आले आहे.

या शोमध्ये एंटरटेनमेंट स्पेशालिस्ट च्या भूमिकेबद्दल बोलताना करिश्मा म्हणाली की, “मी गेल्या काही वर्षांपासून विविध डान्स रिअॅलिटी शोजचा भाग आहे पण मला नेहमीच स्पेशल एपिसोड्सचा भाग व्हायला आवडते जिथे मला चांगला वेळ घालवायला मिळतो. पूर्णवेळ जज होणं ही खूप मोठी कमीटमेंट आहे, असं माझं नेहमीच मत होतं.’ करिश्मा पुढे म्हणाली की, ‘सीझनच्या शेवटच्या भागात मी स्पेशल जज म्हणून आले होते आणि या शोची एनर्जीने आणि या सेटने मला नेहमीच प्रभावित केले आहे. आणि हेच कारण आहे की मी या शोमध्ये परीक्षक म्हणून सहभागी होण्याचा निर्णय घेतला.’नृत्याद्वारे माझ्या कारकिर्दीतील एक अद्भुत प्रवास झाला आहे आणि ही गोष्ट मी नेहमीच जपली आहे. या शोमधील स्पर्धकांच्या टॅलेंटवर मी खरोखरच आश्चर्यचकित आहे आणि प्रेक्षक पूर्ण पाठिंबा देतील अशी आशा आहे.”(India’s Best Dancer 4)

=================================

हे देखील वाचा:

=================================

परीक्षक म्हणून तुमचे क्राइटेरिया काय आहेत, असे विचारले असता करिश्मा म्हणाली, ‘या सीझनमध्ये परीक्षक म्हणून डान्स स्टाईल आणि स्पर्धकांच्या क्रिएटिव्हिटीमध्ये झालेला आश्चर्यकारक बदल पाहून मी रोमांचित आहे. “मी टेरेंस लुईस आणि गीता कपूर यांच्यासोबत या प्रवासाला सुरुवात करण्यास उत्सुक आहे, जिथे आम्ही त्यांच्या कामगिरीला प्रेरणा, सशक्त आणि नवीन उंचीवर घेऊन जाणार आहोत.