Preity Zinta उत्तम अभिनेत्री असण्यासोबतच हुशार बिसनेसवूमन आहे ‘डिंपल गर्ल’
Akshaye Khanna छावा सिनेमात औरंगजेबाची भूमिका साकारणाऱ्या ‘या’ अभिनेत्याला ओळखले का?
विकी कौशल आणि रश्मिका मंदाना (Vicky Kaushal and Rashmika Mandanna) यांचा बहुप्रतीक्षित ‘छावा‘(Chhava) हा सिनेमा येत्या १४ फेब्रुवारीला प्रदर्शित होत आहे. या सिनेमाची मागील अनेक दिवसांपासून लोकांना प्रतीक्षा आहे. शूर, पराक्रमी, कर्तृत्वान अशा छत्रपती संभाजी महाराजांचा (Chhatrapati Sambhaji Maharaj) मोठा पराक्रम आता चित्रपटाच्या माध्यमातून संपूर्ण जगाला दिसणार आहे. छत्रपती शिवाजी महाराजांचे (Chatrapti Shivaji Maharaj) स्वराज्याचे स्वप्न समर्थरीत्या सांभाळणाऱ्या छत्रपती संभाजी महाराजांची मुख्य भूमिका विकी कौशल साकारताना सिनेमात दिसणार आहे. (Akshaye Khanna)
काही दिवसांपूर्वी विकी कौशलचा (Vicky Kaushal) या सिनेमातील एक फोटो कमालीचा व्हायरल झाला होता. त्यानंतर या सिनेमाबद्दल असलेली उत्सुकता अधिकच वाढली. हा सिनेमा कधी प्रदर्शित होणार आणि ट्रेलर कधी येणार असे प्रश्न सोशल मीडियावर विचारले जात होते. आता अखेर आज २२ जानेवारी रोजी सिनेमाचा ट्रेलर प्रेक्षकांच्या भेटीला येत आहे. मात्र त्यापूर्वी सिनेमाच्या टीमने रश्मिका मंदाना आणि अक्षय खन्ना यांचा सिनेमातील लूक रिव्हिल केला आहे. (Bollywood Masala)
या सिनेमात खलनायक मुघल सम्राट औरंगजेबाची (Aurangzeb) भूमिका साकारणाऱ्या अभिनेता अक्षय खन्नाचा लूक देखील निर्मात्यांनी नुकताच शेअर केला आहे. या चित्रपटात अक्षय खन्ना (Akshaye Khanna) मुघल सम्राट औरंगजेबाची भूमिका साकारणार आहे. चित्रपटातील त्याचा पहिला लूक चाहत्यांना खूपच आवडला आहे. त्याचा फोटो पाहून कोणीच त्याला ओळखू शकणार नाही इतका वेगळा लूक अक्षयचा या सिनेमात दिसणार आहे. (Entertainment mix masala)
अक्षय या सिनेमात दहशत माजवणाऱ्या क्रूर शहनशाहच्या भूमिकेत दिसणार आहे. ‘भीती आणि दहशतीचा नवा चेहर मुघल शहेनशाह औरंगजेब, मुघल साम्राज्याचा निर्दयी शासकाची भूमिका साकारणार अक्षय खन्ना” असे कॅप्शन देत ‘मॅडॉक फिम्स’ने हे पोस्टर पोस्ट केले आहे. अक्षय खन्नाचे पोस्टर पाहिल्यावर कोणालाच त्याला ओळखणेही कठीण झाले आहे. या फोटोमध्ये औरंगजेबाच्या डोळ्यात द्वेष करारीपणा, चेहऱ्यावर तिरस्कार आणि शांतता असा लूक या पोस्टरवर पाहायला मिळत आहे.
==========
हे देखील वाचा : Rashmika Mandanna महाराणी येसूबाईंच्या अवतारातील रश्मिका मंदानाचे ‘छावा’ सिनेमातील फोटो व्हायरल
==========
छावा हा चित्रपट १४ फेब्रुवारी २०२५ रोजी थिएटरमध्ये प्रदर्शित होणार आहे. मॅडॉक फिल्म्सने छावाची निर्मिती केली आहे. त्याचे दिग्दर्शक लक्ष्मण उतेकर यांनी आहेत. या चित्रपटाचा ट्रेलर २२ जानेवारी रोजी प्रदर्शित होणार आहे. विकी, रश्मिका आणि अक्षय यांच्यासोबतच याशिवाय संतोष जुवेकर, शुभंकर एकबोटे यांसारखे मराठी कलाकार सुद्धा या चित्रपटात महत्त्वाची भूमिका साकारणार आहेत.