Criminal Justice 4: माधव मिश्रा इज बॅक; ट्रायअॅंगल मर्डर मिस्ट्री आणि…

अभिनेते पंकज त्रिपाठी (Pankaj Tripathi) यांनी आजवर विविधांगी भूमिका केल्या. प्रत्येक भूमिकेत वेगळेपण सादर करणाऱ्या पंकज यांनी साकारलेला वकील मात्र प्रेक्षकांना किंवा त्यांच्या चाहत्यांना विशेष भावतो असं नक्कीच म्हणायला हवं. ‘क्रिमिनल जस्टिस’ या वेब सीरीजमध्ये पंकज यांनी साकारलेले माधव मिश्रा पुन्हा एकदा नव्या केस सोबत आपल्या भेटीला येण्यास सज्ज झाले आहेत. नुकताच Criminal Justice 4 चा उत्कंठावर्धक ट्रेलर प्रदर्शित झाला आहे.यात माधव मिश्रा एका नव्या मर्डर मिस्ट्रीचा उलगडा करताना दिसणार आहेत. (Crininal justice web series)

कोर्ट रुम ड्रामा असणाऱ्या ‘क्रिमिनल जस्टिस’ या वेब सीरीजचे आधीचे ३ भाग प्रेक्षकांना फार आवडले होते. आणि आता चौथ्या भागातही आपल्या सहज अभिनयाने प्रेक्षकांच्या मनावर गारुड घालत नव्या खुनाचा तपास गोल्ड मेडलिस्ट वकील माधव मिश्रा करताना दिसणार आहेत. रिलीज झालेल्या या ट्रेलरमध्ये प्रियकर आपल्या प्रेयसीची हत्या करतो आणि तिचा खुन केल्याप्रकरणी त्याला शिक्षा होते. त्याची बायको मदतीसाठी माधव मिश्रा यांच्याकडे येते पण केसमध्ये असा काही टर्न येतो जिथे त्याच्या बायकोनेच प्रयसीला मारण्यास त्याची मदत केली असा आरोप तिच्यावर लावला जातो. आता नेमकी खुन कोणी केला आहे आणि ही केस माधव मिश्रा यांच्या जीवनाचा टर्निग पॉईंट ठरते का हे पाहणं महत्वाचं असणार आहे. (Bollywood news)

================================

हे देखील वाचा: Madhuri Dixit : २३ वर्षांपूर्वी आलेल्या ‘त्या’ चित्रपटातील गाणं शुट व्हायला लागलेले १६ दिवस

=================================

‘क्रिमिनल जस्टिस ४’ मध्ये पंकज त्रिपाठी यांच्यासोबत मोहम्मद झीशान अयुब खान, आशा नेगी, सुरवीन चावला, श्वेता बसू प्रसाद,  मीता वशिष्ठ अशी कलाकारांची फौज दिसणार आहे. जिओ हॉटस्टारवर २९ मे २०२५ पासून criminal justice 4 ही वेब सीरीज आपल्याला पाहायला मिळणार आहे. (Jio hotstar)