Big Boss Marathi च्या घरात पहिल्याच दिवशी झाली वर्षा उसगांवकर आणि निक्की तांबोळी यांच्यात तू तू मैं मैं!
‘बिग बॉस मराठी’चा नवा सीझन सुरू झाला असून यंदा घरात 16 महारथी दाखल झाले आहेत. ‘बिग बॉस मराठी’च्या घरात एकीकडे सदस्यांना पाणी नसणं, नाश्ता न मिळणं या अडचणींचा सामना करावा लागतोय. त्यामुळे सदस्यांची चांगलीच चिडचिड होताना पाहायला मिळत आहे. एकंदरीतच पहिल्या दिवसापासूनच सदस्यांचं खरं रूप प्रेक्षकांसमोर येणार आहे. बिग बॉस मराठीच्या या सीजन मध्ये अभिनेत्री वर्षा उसगांवकर ही शामिल झाल्या आहेत. पण बिग बॉस च्या घरात पहिल्याच दिवशी मराठी मनोरंजनसृष्टीतील हरहुन्नरी अभिनेत्री वर्षा उसगांवकर आणि आपल्या सौंदर्याने अनेकांना घायाळ करणारी बॉलिवूड अभिनेत्री निक्की तांबोळी यांच्यात ‘तू तू मै मै’ झालेलं पाहायला मिळणार आहे.(Big Boss Marathi)
घर म्हटलं की एकत्र नांदता नांदता भांड्याला भांड लागतंच. त्यामुळे ‘बिग बॉस मराठी’च्या घरातही सदस्यांमध्ये ‘तू तू मै मै’ झालेलं पाहायला मिळेल. ‘बिग बॉस मराठी’च्या आजच्या भागात वर्षा ताई मेकअप करताना दिसून येत आहेत. दरम्यान निक्की येऊन वर्षाताईंना म्हणते,”तुम्ही कृपया नंतर मेकअप करा”. त्यावर वर्षा ताई निक्कीला म्हणतात,”मला थोडं तयार व्हायलाच पाहिजे… तू व्यवस्थित तयार झालीस”. पुढे निक्की वर्षाताईंना म्हणते,”लिपस्टिक नंतर लावा..आधी बाहेर येऊन बसा..लिपस्टिक कोणी नाही पाहत तसंही…”.
घरातील सर्व सदस्य एकत्र जमल्यावर ‘बिग बॉस’ आदेश देणार आहेत. त्यांच्या आदेशाची सर्व सदस्य आतुरतेने वाट पाहत आहेत. सर्व सदस्य बेडरुमध्ये मेकअप करणाऱ्या वर्षांताईंना बाहेर बोलवताना दिसत आहेत. तुमच्यामुळे ‘बिग बॉस’देखील थांबलेत असं घरातील इतर सदस्य वर्षाताईंना म्हणत आहेत. आता वर्षाताई लिव्हिंग एरियामध्ये आल्यावर ‘बिग बॉस’ काय आदेश देणार हे जाणून घेण्यास ‘बिग बॉस’प्रेमी उत्सुक आहेत.(Big Boss Marathi)
================================
हे देखील वाचा: ‘बिग बॉस’च्या घरातील सदस्यांचे पहिल्याच दिवशी पळणार तोंडचं पाणी; नेमकं असं काय घडलं?
================================
आता वर्षा उसगांवकर आणि निक्की तांबोळी यांची तू तू मैं मैं इथपर्यंतच थांबत की अजुन वाढत हे आपल्याला आजच्या भागात पहायला मिळणार आहे. मराठी मनोरंजनाचा बॉस ‘BIGG BOSS मराठी’ आपल्याला दररोज, रात्री 9 वा. फक्त कलर्स मराठीवर आणि @officialjiocinema वर पाहता येणार आहे.