Housefull 5 :  अक्षय कुमारचा चित्रपट बॉक्स ऑफिसवर हिट की फ्लॉप?

बॉलिवूडच्या ‘हाऊसफुल्ल’ (Housefull Movie Franchisee) फ्रेंचायझीमधला ‘हाऊसफुल्ल ५’ (Housefull 5) चित्रपट नुकताच रिलीज झाला. आधीच्या ४ भागांप्रमाणे हा चित्रपट प्रेक्षकांचं निखळ मनोरंजन करेल असं वाटलं होतं खरं पण जरा उलटचं घडलं आहे. ६ जून २०२५ रोजी रिलीज झालेल्या ‘हाऊसफुल्ल’ चित्रपटाने बॉक्स ऑफिसवर केवळ ५ दिवसांत ७० कोटी पार केले असले तरी प्रेक्षकांना फारसा हा चित्रपट आवडला नसल्याचं दिसून येतंय. जाणून घेऊयात ‘हाऊसफुल्ल ५’ ने बॉक्स ऑफिसवर किती कमाई केली आणि चित्रपटाबद्दल लोकांची काय मतं आहेत. (Housefull 5 movie review)

यापूर्वी रिलीज झालेल्या ‘हाऊसफुल्ल’च्या ४ भागांनी आत्तापर्यंत बॉक्स ऑफिसवर एकूण ७०० कोटींचा टप्पा पार केला आहे. आणि आता ‘हाऊसफुल्ल ५’ या कमाईत आपला वाटा अॅड करतोय. सॅकनिल्कच्या रिपोर्टनुसार ‘हाऊसफुल्ल ५’ चित्रपटाने पहिल्या दिवशी २४ कोटी, दुसऱ्या दिवशी ३१ कोटी, तिसऱ्या दिवशी ३२ कोटी कमवून आत्तापर्यंत ८७ कोटींचा गल्ला जमवला आहे. तसेच, चेन्नई, मुंबई, लखनौ, पुणे या शहरांमध्ये चित्रपट अधिक पाहिला जात आहे. (Housefull 5 box office collection)

‘हाऊसफुल्ल ५’ चित्रपटात तब्बल १८ ते २० बिग स्टार कलाकार आहेत. मल्टि स्टार कास्ट चित्रपटांच्या यादीत हाऊसफुल्ल ५ सामिल झाला आहे. मात्र, चित्रपटात विनोदाचा दर्जा फारच वाईट असल्याच्या प्रतिक्रिया येत आहेत. इतकंच नाही तर संपूर्ण कथानकाचा फार ताळमेळ नसल्याचंही म्हटलं जात आहे. त्यामुळे पुन्हा एकदा अक्षय कुमारचा चित्रपट बॉक्स ऑफिसवर बरी कामगिरी जरी करु शकला असला तरी प्रेक्षकांचं मन जिंकू शकला नाही.(Bollywood tadaka)

================================

हे देखील वाचा: Housefull चित्रपटाच्या फ्रेंचायझीने आत्तापर्यंत बॉक्स ऑफिसवर कमावले ७९० कोटी!

=================================

‘हाऊसफुल ५’(Housefull 5) या चित्रपटाची निर्मिती साजिद नाडियादवाला यांनी केली असून तरुण मनसुखानी यांनी दिग्दर्शन केले आहे.या चित्रपटात अक्षय कुमार,अभिषेक बच्चन ,रितेश देशमुख, जॅकलीन फर्नांडिस,,नर्गिस फाखरी, फरदीन खान, जॅकी श्रॉफ, संजय दत्त, नाना पाटेकर, रितेश देशमुख, श्रेयस तळपदे, जॉनी लिव्हर, चित्रगंधा सिंग असे अनेक कलाकार दिसणार आहेत. (Housefull 5 movie cast)