Housefull 5 : रितेश-अक्षयच्या चित्रपटाचा टीझर युट्यूबवरुन हटवला; नेमकं घडलं तरी काय?

हिंदी चित्रपटसृष्टीत सध्या सीक्वेल चित्रपटांचं वारं वाहू लागलं आहे. नुकताच ‘रेड २’ (Raid 2) प्रदर्शित झाला. त्यानंतर येत्या काळात अनेक गाजलेल्या चित्रपटांचे सीक्वेल्स रिलीज होणार असून या यादीत ‘हाऊसफुल्ल ५’ (Housefull 5) देखील येतो. काही दिवसांपूर्वीच हाऊसफुल्ल ५ चित्रपटाचा टीझर रिलीज झाला होता. मात्र, आता युट्यूबवरुन चित्रपटाचा टीझर हटवण्यात आला आहे. चित्रपट प्रदर्शनापुर्वीच वादात अडकल्यामुळे आता पुढे काय होणार याकडे चाहत्यांच लक्ष लागलं आहे.  (Entertainment news)

‘हाऊसफुल ५’ चित्रपटाचा टीझर युट्यूबवरुन कॉपिराई क्लेममुळे हटवण्यात आल्याचं सांगितलं जात आहे. नाडियाडवाला ग्रॅन्डसन एन्टरटेन्मेंटच्या युट्यूब चॅनेलवर ३० एप्रिलला हा टीझर रिलीज केला गेला होता. टीझरला १० दिवसांमध्ये कोटींच्या घरात व्ह्यू मिळाले होते. मात्र ९ मे रोजी हा टीझर युट्यूबवर ‘मोफ्युजन स्टुडिओने केलेल्या कॉपीराइट क्लेममुळे उपलब्ध नसल्याचं सांगितलं जात आहे. अद्याप मोफ्युजन स्टुडिओ किंवा नाडियाडवाला ग्रॅन्डसन एन्टरटेन्मेंटकडून याविषयी अधिकृत प्रतिक्रिया समोर आलेली नाही. (Bollywood)

================================

हे देखील वाचा: Housefull 5 : कॉमेडी आणि सस्पेन्सचा तडका; १८ कलाकार देणार मनोरंजनाची मेजवानी!

=================================

दरम्यान, तब्बल १८ सुपरस्टार असणाऱ्या ‘हाऊसफुल्ल ५’ चित्रपटाचा टीझर इन्स्टाग्रामवर अजूनही प्रेक्षकांना पाहायला मिळत आहे. शिवाय, या चित्रपटातील लाल परी या गाण्याने सोशल मिडियावर अक्षरश: धुमाकूळ घातला आहे. हाऊसफुल्ल चित्रपटात अक्षय कुमार, रितेश देशमुख, अभिषेक बच्चनसह नाना पाटेकर, जॅकी श्रॉफ, जॅकलिन फर्नांडिस, सोनम बाजवा, सौंदर्या शर्मा, चित्रांगदा सिंह, श्रेयस तळपदे, संजय दत्त, फरदीन खान, डिनो मोरिया, नरगिस फाखरी, चंकी पांडे आणि जॉनी लिव्हर असे हरहुन्नरी कलाकार झळकणार आहेत. ६ जून २०२५ रोजी हाऊसफुल्ल ५ प्रदर्शित होणार आहे. (Housefull 5 movie cast)