Big Boss Marathi च्या घरात निक्की आणि अरबाजमध्ये अभिजीतमुळे पून्हा पेटणार वादाची ठिणगी…
‘बिग बॉस मराठी’चा नवा सीझन सुरू होऊन 25 दिवस पूर्ण झाले आहेत. सीझन सुरू झाल्यापासूनचा प्रत्येक दिवस हा खूप खास आहे. प्रत्येक सदस्याने आपला वेगळा चाहतावर्ग निर्माण केला आहे. गेल्या चार आठवड्यात सदस्यांना ‘बिग बॉस मराठी’चा खेळ खऱ्या अर्थाने कळला आहे. आता घरातील सदस्यांची समीकरणेदेखील बदलत आहेत. यंदा प्रत्येक सदस्य वेगळ्या धाटणीचा आहे. अभिनेते, गायक ते सोशल मीडिया इन्फ्लुएन्सर यांच्यापर्यंत अनेक लोक पाहायला मिळत आहेत. ‘बिग बॉस मराठी’च्या चौथ्या आठवड्याची दणक्यात सुरुवात झाली आहे. तीन आठवड्यात घरात दोन गट झाले असून दोन्ही गटांची उत्तम खेळी ‘बिग बॉस’प्रेमींच्या पसंतीस उतरत आहे. त्यामुळे या नव्या सीझनची रंगत दिवसेंदिवस वाढत आहे.(Arbaaz and Nikki Fight in Big Boss)
आता अभिजीतमुळे निक्की आणि अरबाज यांच्यात दुरावा येणार असल्याचं म्हटलं जात आहे. निक्की आणि अभिजीतची मैत्री अरबाजला खटकत असल्याचं अनेकदा पाहायला मिळालं आहे. तसा अरबाजने याबद्दल आक्षेपही नोंदवला आहे. काही दिवसांपूर्वीच अरबाज आणि निक्की चं अभिजीत वरुन जोरदार भांडण झालेल ही पहायला मिळालं होत आता पुनः एकदा या दोघांमध्ये वादाची ठिणगी पडलेली दिसणार आहे.
नुकताच ‘बिग बॉस मराठी’चा नवा प्रोमो समोर आला आहे. या प्रोमोमध्ये अरबाज निक्कीला म्हणत आहे,”तुम्हाला चांगलं वाटतंय तर तुम्ही एकमेकांसोबत दिवसभर बोला”.निक्की पुढे अभिजीतला म्हणते,”त्याचं म्हणंन हेच आहे की आम्ही सगळे याच्या विरोधात आहोत. तर तू का नाही आहेस?”. तर दुसरीकडे अरबाज अंकिताला म्हणतो,”अभिजीत समोर असेल तर कृपया मध्ये येऊ नकोस. आता मी भिडणार”. निक्की आणि अभिजीतची मैत्री अरबाजला चांगलीच खटकत असल्याचं पाहायला मिळत आहे.(Arbaaz and Nikki Fight in Big Boss)
============================
============================
आता अरबाज आणि निक्की मध्ये झालेल भांडण खुप वाढणार की नेहमीसारखं काही वेळातच त्यांच पैचअप होणार हे आपल्याला आजचा एपिसोड पाहिल्यावरच समजेल. ‘BIGG BOSS मराठी’ आपल्याला रोज रात्री 9 वा. कलर्स मराठीवर आणि विनामूल्य officialjiocinema वर पाहता येईल.
