Prasad Oak यांना यंदाचा ‘निळू फुले कृतज्ञता सन्मान २०२५’ घोषीत!
मराठी चित्रपटसृष्टीतील अजरामर खलनायक साकारणारे अभिनेते निळू फुले (Nilu Phule) यांनी प्रेक्षकांना एकाहून एक दर्जेदार कलाकृती दिल्या. लवकरच त्यांचा बायोपिक येणार असून या चरित्रपटाचं दिग्दर्शन प्रसाद ओक (Prasad Oak) करणार आहे. दरम्यान, निळू फुले यांच्या नावाने दिला जाणारा ‘निळू फुले कृतज्ञता सन्मान यंदा प्रसाद ओक यांना जाहिर झाला आहे. (Entertainment news)
प्रसाद ओक यांनी अभिनयासोबत दिग्दर्शनही केले आहे. ‘कच्चा लिंबू’, ‘हिरकणी’, ‘चंद्रमुखी’, ‘धर्मवीर’ यांसारख्या अनेक चित्रपटांचे दिग्दर्शन प्रसाद ओक यांनी केले आहे. निळू फुले यांच्या नावाने दिला जाणारा पुरस्कार जाहिर झाल्यानंतर प्रसाद यांनी कृतज्ञता व्यक्त करत प्रतिक्रिया दिली आहे. प्रसाद (Prasad Oak) म्हणतात, “निळू फुलेंसारख्या दिग्गजाच्या नावावर असलेला पुरस्कार स्वीकारणे हा केवळ सन्मान नाही तर तो एक भावनिक क्षण आहे. त्यांच्या वारशाने मला नेहमीच अर्थपूर्ण भूमिका आणि लोकांशी बोलणाऱ्या कथा निवडण्याची प्रेरणा दिली आहे. हा पुरस्कार मिळणं हा माझ्यासाठी भाग्याचा क्षण असणार आहे”.(Marathi celebrity news)
================================
हे देखील वाचा: Nilu Phule : हॉलिवूड चित्रपटांची आवड ते लोकनाट्य, निळू फुलेंच्या जीवनातील खास किस्से!
=================================
प्रसाद ओक यांनी आजवर ‘कलयुग’, ‘हाय काय नाय काय’, ‘शिकारी’, ‘कान्हा’, ‘…आणि डॉ. काशिनाथ गाणेकर’, ‘ब्लॅकआऊट’, ‘फुल ३ धमाल’, ‘दोघात तिसरा आता सगळं विसरा’, ‘राम माधव’, ‘फुलवंती’ अशी अनेक मराठी-हिंदी चित्रपटांमध्ये विविधांगी भूमिका साकारली आहे. (Prasad Oak Movies)