Prasad Oak च्या मोठ्या लेकाचा पार पडला साखरपुडा, होणारी सून आहे तरी कोण?
सध्या सर्वत्र विवाहसोहळ्यांची धामधूम सुरू असल्याचं चित्र पाहायला मिळत आहे. अनेक घरांमध्ये लग्नाची तयारी, खरेदी आणि विविध समारंभांची लगबग सुरु आहे. लग्नापूर्वी साखरपुडा हा महत्त्वाचा सोहळा असल्याने अनेक ठिकाणी हे कार्यक्रम मोठ्या उत्साहात पार पडत आहेत. मराठी मनोरंजनसृष्टीतील प्रसिद्ध अभिनेता, निर्माता आणि दिग्दर्शक Prasad Oak यांच्या घरीही आनंदाची बातमी आहे. त्यांच्या कुटुंबात लवकरच विवाहसोहळा पार पडणार आहे. प्रसाद ओक आणि मंजिरी ओक (Manjiri Oak) यांचा मोठा मुलगा सार्थक ओक (Sarthak Oak) लवकरच वैवाहिक जीवनात पदार्पण करणार आहे. 19 जानेवारी रोजी सार्थकचा साखरपुडा अत्यंत थाटामाटात पार पडला. या खास सोहळ्याचे फोटो सध्या सोशल मीडियावर मोठ्या प्रमाणात व्हायरल होत असून अनेक कलाकार आणि चाहत्यांनी या पोस्टवर शुभेच्छांचा वर्षाव केला आहे.(Prasad Oak Son Engagement)
या साखरपुड्यात संपूर्ण ओक कुटुंब एकत्र दिसत असून सर्वांच्या चेहऱ्यावर आनंद ओसंडून वाहताना दिसतो आहे. सार्थकने या प्रसंगी फिकट पिस्ता रंगाची सफारी सूट परिधान केली होती, तर त्याच्या होणाऱ्या पत्नीने फिकट गुलाबी रंगाचा सुंदर घागरा घातला होता. दोघांची जोडी अतिशय देखणी दिसत होती. मात्र, सार्थकच्या होणाऱ्या पत्नीबाबत अधिक माहिती अद्याप जाहीर करण्यात आलेली नाही.या खास प्रसंगी प्रसाद ओक फिकट हिरव्या रंगाच्या कुर्त्यात दिसले, तर मंजिरी ओक यांनी निळ्या रंगाची साडी नेसली होती. दोघेही अतिशय सोज्वळ आणि सुंदर दिसत होते. याशिवाय प्रसाद ओक यांचा धाकटा मुलगा हिरव्या रंगाच्या शेरवानीत लक्ष वेधून घेत होता.
सार्थकच्या साखरपुड्याला मराठी इंडस्ट्रीतील अनेक नामवंत कलाकारांनी उपस्थिती लावली होती. अभिनेत्री अमृता खानविलकरने देखील या सोहळ्याला हजेरी लावून तिचे खास फोटो सोशल मीडियावर शेअर केले आहेत. अभिनेता समीर चौगुले सुद्धा या कार्यक्रमाला उपस्थित होता.(Prasad Oak Son Engagement)
============================
हे देखील वाचा: Akshaya Naik ची मोठी झेप; मराठी मालिकेतून आता थेट हिंदी वेबविश्वात पदार्पण !
============================
दरम्यान, सार्थक ओक याचा विवाह नेमका कधी होणार, याबाबतची तारीख अद्याप जाहीर करण्यात आलेली नाही. मात्र, ओक कुटुंबातील हा आनंदाचा क्षण सध्या सर्वत्र चर्चेचा विषय ठरत आहे.