Raid 2 : अजय-रितेशची बॉक्स ऑफिसवर ‘रेड’ झाली यशस्वी!

अजय देवगण आणि रितेश देशमुखच्या ‘रेड २’ (Raid 2) चित्रपटाने पहिल्याच दिवशी बॉक्स ऑफिसवर उत्तम रेड मारली आहे. १ मे २०२५ रोजी प्रदर्शित झालेल्या या चित्रपटाला प्रेक्षकांनी उदंड प्रतिसाद दिलाी आहे. २०१८ मध्ये आलेल्या ‘रेड’ चित्रपटाचा हा सीक्वेल असून IRS ऑफिसवर अमय पटनायकची ही ७५ वी ‘रेड’ आहे. जाणून घेऊयात पहिल्या दिवशी चित्रपटाने किती कोटींची कमाई केली आहे. (Raid 2 box office collection)

सॅकनिल्कने दिलेल्या माहितीनुसार, ‘रेड २’ चित्रपटाने पहिल्या दिवशी १९.२५ कोटींची कमाई केली आहे. तसेच, २०२५ मध्ये आत्तापर्यंत प्रदर्शित झालेल्या इतर हिंदी चित्रपटांच्या तुलनेने रेड २ चित्रपटाने पहिल्या दिवशी उत्तम कमाई केली आहे. २०१८ मध्ये आलेल्या ‘रेड’ चित्रपटाने १०३.०७ कोटींची लाईफटाईम कमाई करुन ठेवली आहे. आणि आता ‘रेड २’ चित्रपट नवा रेकॉर्ड करण्याच्या मार्गात आहे. (Bollywood movies box office collection 2025)

‘रेड २’ चित्रपटामध्ये अजय देवगण (Ajay Devgan) , रितेश देशमुख (Ritesh Deshmukh), सौरभ शुक्ला,रजत कपूर, वाणी कपूर, सुप्रिया पाठक, अमित सियाल यांच्या प्रमुख भूमिका आहेत. रितेशने ‘एक था वीलन’ चित्रपटानंतर पुन्हा एकदा ‘रेड २’ मध्ये साकारलेली खलनायकाची भूमिका प्रेक्षकांना विशेष आवडली आहे. (Bollywood tadaka)

===============================

हे देखील वाचा:  Madhuri Dixit : सलमान-शाहरुख नव्हे तर ‘या’ अभिनेत्यासोबत सर्वाधिक चित्रपटात दिसलीये ‘धकधक गर्ल’

===============================

दरम्यान, येत्या काळात अजय देवगणच्या अनेक चित्रपटांचे सीक्वेल्स भेटीला येणार आहेत. तर रितेश देशमुखही हिंदीसह मराठीतूनही नवे चित्रपट चाहत्यांसाठी घेऊन येणार आहे.  अजय देवगणचे ‘दे दे प्यार दे २’, ‘सन ऑफ सरदार २’ लवकरच प्रदर्शित होणार आहेत. तर रितेश सध्या ‘राजा शिवाजी’ या छत्रपती शिवाजी महाराजांच्या ऐतिहासिक चित्रपटावर काम करत असून दुसरीकडे ‘हाऊसफुल्ल ५’(Hosefull 5)  हा त्याचा आगामी कॉमेडी चित्रपट जूनमध्ये प्रदर्शित होणार आहे. (Bollywood upcoming movies 2025)

‘रेड २’ चित्रपटाचं एकूण बजेट ४८ कोटी आहे. पहिला भाग गाजवल्यानंतर दुसऱ्या भागातही अजय देवगण धमाकेदार परफॉर्मन्स देणार यात वादच नाही. दरम्यान, Ajay Devgan याने ‘रेड २’ (Raid 2) साठी २० कोटी मानधन दिलं असून चित्रपटात प्रमुख खलनायकाच्या भूमिकेत असणाऱ्या रितेश देशमुखला (Ritesh Deshmukh) ४ कोटी आणि अभिनेत्री वाणी कपूर  (Vanni Kapoor) हिला केवळ १ कोटीचं मानधन दिल्याची माहिती समोर आली आहे. शिवाय, तमन्ना भाटिया हिने नशा या गाण्यासाठी १ कोटी घेतल्याचं सांगितलं जात आहे.(Bollywood news)