स्वतःला समजून घेण्यासाठी Actress Manisha Koirala ने केली ब्रेन मॅपिंग; काय आहे हा अनोखा प्रकार?
Actress Manisha Koirala: आपल्यातील प्रत्येकाला स्वतःला समजून घ्यायची कधी ना कधी तरी इच्छा होतेच. जसे की, आपल्याला राग का येतो? तणाव का निर्माण होतो किंवा मग वारंवार मनात दु:ख का येते? अशा वेळी ब्रेन मॅपिंग (Brain Mapping) हा पर्याय खुप उपयुक्त ठरतो त्यामुळे ब्रेन मॅपिंग करुन घेण्याचे प्रमाण हल्ली वाढत आहे. या प्रकारात आपल्या मेंदूच्या वेगवेगळ्या भागांचे स्कॅन करून आपण काय अनुभवत आहोत आणि का? हे समजते यामुळे आपल्याला आपल्या भावना अधिक चांगल्या प्रकारे समजून घेण्यात मदत होते. ज्या गोष्टी आपल्याला स्वतः समजून घेता येत नाही, त्या ब्रेन मॅपिंगमध्ये समोर येतात. नुकतेच प्रसिद्ध अभिनेत्री मनीषा कोइरालाने देखील ब्रेन मॅपिंग करुन घेतले होते, ज्याचा अनुभव तिने सोशल मीडियावर शेअर केला आहे.(Actress Manisha Koirala)
आपल्या इंस्टाग्राम पोस्टमध्ये अभिनेत्रीने सांगितले की तिने अलीकडे न्यूरोलिप ब्रेन फंक्शन असेसमेंट केले आहे. या प्रक्रियेमुळे तिला तिच्या मेंदूत काय चालले आहे, ती कशी विचार करते, काय भावनात्मक प्रतिसाद आहेत, आणि तिच्या मेंदूचे वर्तन कसे कार्य करते हे सर्व कळले. या सर्व माहितीमुळे तिला स्वतःला समजून घेण्यात आणि तिच्या मानसिक आरोग्याला सुधारण्यात मदत मिळाली आहे.
पोस्ट मध्ये मनीषा लिहिते” , “मी ब्रेन मॅपिंग करून घेतली आणि वाह! काय सफर झाली! मी न्यूरोलीप ब्रेन फंक्शन असेसमेंट केले, ज्यामध्ये कोणतीही वैयक्तिक प्रश्न विचारलल्या शिवाय मी माझ्या मेंदूच्या पॅटर्न्सबाबत अधिक माहिती मिळवली. ही प्रक्रिया 30 मिनिटांची होती, ज्यामध्ये काही सेंसर्स माझ्या डोक्यावर लावले गेले होते, जे मेंदूच्या तरंगांचे वाचन करत होते. यात ना कुठला प्रश्न विचारला गेला, ना काही अस्वस्थता झाली, सगळं काही आरामदायक आणि सुरक्षित होतं. लोकांनी त्यांच्या आतल्या मनाला आणखी खोल जाणून घेण्यासाठी ही प्रक्रिया नक्कीच करावी.”(Actress Manisha Koirala)
===================================
हे देखील वाचा: अक्षया हिंदळकर मोठ्या पडद्यावर झळकण्यासाठी सज्ज; P.S.I. Arjun सिनेमात सुपरस्टार अंकुश चौधरीसोबत झळकणार!
===================================
ब्रेन मॅपिंग काय आहे?
ब्रेन मॅपिंग एक न्यूरो-सायन्स तंत्र आहेत. यामध्ये मेंदूच्या क्रियाकलापांचे मापन केले जाते, जेणेकरून समजून घेता येते की मेंदूचे वेगवेगळे भाग कसे कार्य करतात. हे ईईजी (इलेक्ट्रोएन्सेफेलोग्राफी) आणि एफएमआरआय (फंक्शनल मॅग्नेटिक रेजोनन्स इमेजिंग) यांसारख्या तंत्रज्ञानाच्या सहाय्याने केले जाते. यामुळे मेंदूच्या कोणत्या भागांवर लक्ष केंद्रित करण्याची आवश्यकता आहे ते कळते.