करा हो लगीनघाई! Vijay Devarkonda याचं घर फुलांनी सजलं
बऱ्याच दिवसांपासून विजय देवरकोंडा आणि रश्मिका मंदाना यांच्या लग्नाची जोरदार चर्चा सुरु आहे. अर्थात दोघांनी किंवा त्यांच्या टीम्सने याबद्दल अधिकृत माहिती दिली नसली तरी एअरपोर्ट किंवा काही सोहळ्यांमध्ये त्या दोघांचं एकत्र दिसणं आणि सोशल मिडियावरील काही फोटो नक्कीच त्यांचं लग्न लवकर होणार या बातमीवर शिक्कामोर्तब करत आहेत. शिवाय, काही दिवसांपूर्वी उदयपूर पॅलेस त्यांच्या लग्नासाठी सजवत असल्याचे फोटो, व्हिडिओ देखील व्हायरल झाले होते. त्यामुळे आता विजयआ णि रश्मिकाच्या लग्नाला काहीच दिवस उरल्याचं जवळपास फिक्स झालं आहे. अशातच आता विजयचं हैदराबादमधील घरावर रोशनाई लागली असून सनईचे सुर वाजायला सुरुवात झाली आहे. (Vijay Devarkonda & Rashmika Mandanna)
दरम्यान, विजय देवरकोंडाचं हैदराबादमधील ज्युबली हिल्स येथील घर आकर्षक विद्युत रोषणाई आणि फुलांनी सजवण्यात आल्याचे व्हिडिओ आणि फोटो आता समोर आले आहेत. घराबाहेर सुंदर फुलांची सजावटही करण्यात आली आहे. त्यामुळे आपल्या भारतीय परंपरेनुसार लग्नाआधी घर सजवण्याची ही लगबग पाहून चाहत्यांमध्ये आनंदाचे वातावरण निर्माण झाले आहे.
विजय आणि रश्मिका दोघे साऊथधील लोकप्रिय कलाकार असून त्या दोघांची पहिली भेट ‘गीता गोविंदम’ या चित्रपटाच्या सेटवर झाली होती. याच चित्रपटाच्या चित्रीकरणादरम्यान त्यांची मैत्री झाली होती. मात्र, तेव्हा रश्मिकाने अभिनेता रक्षित शेट्टीसोबत साखरपुडा केला होता. परंतु, त्यांचा साखरपूडा काही कारणामुळे मोडला आणि दोघांच्या वैयक्तिक वाटा कायमस्वरुपासाठी वेगळ्या झाल्या. याचवेळी विजयने रश्मिकाला मानसिक आधार दिला आणि त्यातूनच त्यांच्या मैत्रीचं रुपांतर प्रेमात झालं असं सांगितलं जातं. (Vijay & Rashmika Marriage)
तसेच, सोशल मिडियावर व्हायरल झालेल्या लग्नपत्रिके आणि मीडिया रिपोर्ट्सनुसार, रश्मिका व विजय यांचं २६ फेब्रुवारी २०२६ रोजी लग्न होणार आहे. हे एक डेस्टिनेशन वेडिंग असून ते राजस्थानमधील उदयपूर येथे संपन्न होईल. लग्नात पाहुण्यांसाठी ‘नो फोन पॉलिसी’ असून लग्नाचे फोटो किंवा व्हिडीओ मीडीयात किंवा सोशल मिडियावर लीक होणार नाही याची काळजी घेण्यासाठी हा निर्णय घेण्यात आला आहे. तसेच लग्नाचे शूटिंग करणाऱ्या टीमनेही फोटो व व्हिडीओ लीक करू नये यासाठी कायदेशीर करार केल्याचं देखील म्हटलं जातंय. (Entertainment News)
================================
================================
२६ फेब्रुवारी २०२६ ला जवळच्या नातेवाईकांच्या उपस्थितीत अगदी खाजगीत लग्न झाल्यानंतर ४ मार्च २०२६ रोजी हैदराबादमधील ‘ताज कृष्णा’ हॉटेलमध्ये एक भव्य रिसेप्शन आयोजित केले जाणार असल्याचं एक पत्रक देखील समोर आलं आहे. या सोहळ्याला दाक्षिणात्य आणि बॉलीवूडमधील अनेक दिग्गज उपस्थित राहण्याची शक्यता आहे. सोशल मीडियावर व्हायरल झालेल्या लग्नाच्या ‘इन्व्हिटेशन हॅम्पर’ मध्ये विजयाच्या ‘Rowdy’ ब्रँडचा पिवळा टी-शर्ट, काजूचा बॉक्स आणि ‘नॅशनल क्रश’ नावाचे परफ्युम अशा हटके वस्तू पाठवण्यात आल्या आहेत, अशी सोशल मीडियावर चर्चा रंगली आहे. (Tollywood)
Get Latest Marathi Entertainment update | Movies Reviews in Marathi | Celebrities Update in Marathi