Avatar 2 OTT Release: अखेर प्रतिक्षा संपली; OTT वर पाहता येणार ‘अवतार २’; पहा कधी आहे कुठे होणार प्रदर्शित
काही सिनेमे असे असतात जे प्रदर्शित होताच काही दिवसातच प्रेक्षकांवर आपली जादू करतात आणि बॉक्स ऑफिसवर धुमाकूळ घालतात. असाच एक हॉलीवुड सिनेमा होता अवतार: द वे ऑफ वॉटर. गेल्या वर्षी १६ डिसेंबरला प्रदर्शित झालेल्या या सिनेमाने बॉक्सऑफिस वर तूफान कामगिरी केली होती. या सिनेमाने अनेक मोठ मोठ्या सिनेमाच्या कमाईचे रिकॉर्ड ब्रेक केले होते. आता हा सिनेमा सिनेमागृहातून जरी नाहीसा झाला असला तरी त्याची जादू आजही प्रेक्षकांमध्ये कायम आहे. त्यामुळे अनके जण हा सिनेमा OTT वर कधी येणार याची आतुरतेने वाट होते. आता अखेर प्रेक्षकांची प्रतीक्षा संपली असून अवतार: द वे ऑफ वॉटर सिनेमा लवकरच OTT वर दाखल होणार आहे. (Avatar 2 OTT Release)
अवतार या सिनेमाचा पहिला भाग २००९ साली प्रदर्शित झाला होता आणि त्यानंतर तब्बल १३ वर्षांनी या सिनेमाचा दूसरा भाग अवतार: द वे ऑफ वॉटर डिसेंबर २०२२ मध्ये रिलीज करण्यात आला होता. आणि या सिनेमाने त्याच्या पहिल्या भागाच्या कमाईचा रिकॉर्ड ब्रेक करत बॉक्स ऑफिस वर धुमाकूळ घातला होता. कोरोना महामारीनंतर सर्वाधि कमाई करणारा हा सिनेमा ठरला होता. अवतार २ ला रिलीज होऊन आता ३ महिन्यांपेक्षा जास्त काळ लोटला आहे. त्यामुळे तो कधी एकदा OTT वर प्रदर्शित केला जातोय याची सगळे आतुरतेने वाट पाहत आहेत. अवतार च्या अधिकृत इंस्टाग्राम पेज वर यावर माहिती देण्यात आलेली आहे. ज्यात लिहिल गेलय की, अवतार २ हा सिनेमा २८ मार्च २०२३ रोजी OTT वर प्रदर्शित केला जाणार आहे.
या पोस्ट मध्ये हा सिनेमा कोणत्या OTT प्लॅटफॉर्म वर रिलीज केला जाणार आहे याची माहिती दिली गेलेली नाही. पण सूत्रानुसार हा सिनेमा Amazon Prime Video, Apple TV, Vudu आणि Movies Anywhere यांनी या सिनेमाचे राइट्स विकत घेतले असून याच प्लॅटफॉर्म तो रिलीज केला जाऊ शकतो. पण अजुन कोणत्याही प्लॅटफॉर्म ने सुद्धा याबद्दल अधिकृत घोषणा केलेली नाही. सुरुवातीला हा सिनेमा पाहण्यासाठी प्रेक्षकांना पैसे खर्च करावे लागू शकतात कारण हां सिनेमा रेंट वर उपलब्ध होण्याची शक्यता ही वर्तवण्यात येत आहे. पण याची ही अजुन कोणतीही अधिकृत माहिती देण्यात आलेली नाही. (Avatar 2 OTT Release)
==========
==========
अवतार: द वे ऑफ वॉटर हा सिनेमा त्याच्या पहिल्या भागालाच पुढे सुरु ठेवतो आणि हा सिनेमा ३ तासांपेक्षा ही जास्त आहे. ‘अवतार २’ (२००९) हा सिनेमा हॉलिवूडचे दूरदर्शी दिग्दर्शक जेम्स कॅमेरॉन यांनी दिग्दर्शित केलेली आहे. जे ‘टायटॅनिक’ (१९९७) आणि ‘द टर्मिनेटर’ या फ्रँचायझींमधील भूमिकेसाठी प्रसिद्ध आहेत. अवतार २ हा १९०० कोटींच्या बजेटमध्ये बनवला गेलेला सिनेमा आहे. प्रेक्षकां पासून ते अनेक कलाकारापर्यंत सगळ्यांनी या सिनेमाच भरभरून कौतुक केल होत. त्यामुळे हा सिनेमा ज्यांनी पाहिला आहे आणि ज्यांना पाहता आला नाही त्या सगळ्यांसाठी OTT वर तो पाहणे पर्वणी असेल यात काही शंका नाही.
