म्याड माणसं येतायत..

सध्याच्या काळात पॉडकास्ट बऱ्याच प्रमाणात प्रसिद्ध होत चाललाय. या नवीन कन्टेन्ट प्रकारामुळे वेगवेगळे ॲप्स तर बाजारात आलेच आहेत, पण त्याच सोबत मनोरंजन आणि माहितीचा एक नवा मार्ग खुला झाला आहे.

पॉडकास्ट या प्रकारात आपण अनेक मुलाखती ऐकल्या असतील, गोष्टी ऐकल्या असतील. पण काहीच दिवसात आपल्याला एक नवीन प्रकारचे पॉडकास्ट ऐकायला मिळणार आहे.

या सिरीजचं नाव आहे म्याड सिझन्स. या पॉडकास्ट मधील पात्रांमध्ये सहा ऋतुंसारखी सहा माणसं आहेत. प्रत्येकाचे स्वभाव वेगवेगळे. खरं तर लहानपणी एकत्र वाढलेली आणि कालांतराने विखुरलेली ही ‘पात्र’. ही सगळी मंडळी पुन्हा एकत्र आल्यावर काय धुमाकूळ घालतात, हा एकंदरीत पॉडकास्टचा विषय. त्यांची ही धमाल तुम्हाला नक्कीच तुमच्या आठवणींच्या विश्वात घेऊन जाईल. तर मग मिस करू नका हं!

१५ ते २० मिनिटांचा एक एपिसोड अशा २५ एपिसोड्सची ही पॉडकास्ट सिरीज आहे. दर शुक्रवारी एक एपिसोड स्ट्रीम होईल… तोही आपल्या लाडक्या स्पॉटीफाय आणि अँकर या प्लॅटफॉर्मवर. जी मंडळी या प्लॅटफॉर्मवर नाहीत, त्यांच्यासाठी युट्युब वर देखील एपिसोड रिलीज करण्यात येतील. या सिरिजचे मीडिया पार्टनर ‘कलाकृती मीडिया’ आहेत.

या पॉडकास्टच्या प्रवासातील कलाकार म्हणजे जॉय, धनश्री, विक्रांत, रुपाली, हर्षदा आणि सिद्धेश.

तर मग दसऱ्याच्या शुभमुहूर्तावर म्याड सिझन्समधील मॅड माणसं घेऊन येत आहेत पहिला एपिसोड.. २५ ऑक्टोबर रोजी ऐकायला विसरू नका!