‘जिवाची होतिया काहिली’ मालिकेत अभिनेत्री उषा नाईक यांची भद्राक्काच्या भूमिकेत एंट्री !

सोनी मराठी वाहिनीवरील ‘जिवाची होतीया काहिली’ ही मालिका कमी वेळेत प्रेक्षकांच्या पसंतीस उतरलेली मालिका आहे. टीआरपीच्या शर्यतीत देखील या मालिकेने बाजी मारली आहे. प्रमुख नायकाच्या भूमिकेत कोल्हापूरचा रांगडा गडी, अभिनेता राज हंचनाळे प्रेक्षकांच्या विशेष पसंतीस पडतोय. तसेच प्रतीक्षा शिवणकर हिचा कानडी अंदाजसुद्धा प्रेक्षकांना आवडतो आहे. मराठी रांगडा गडी अर्जुन आणि कानडी भाषिक रेवथी यांची ही प्रेमकहाणी सोनी मराठी वाहिनीवर पाहायला मिळत आहे. सोनी मराठी वाहिनी प्रेक्षकांचं मनोरंजन करण्यात अग्रेसर आहे. सोनी मराठी वाहिनीवर सुरू असलेल्या ‘जिवाची होतिया काहिली’ या प्रेमकहाणीला प्रेक्षकांची विशेष पसंती मिळते आहे. सध्या मालिका रंगतदार वळणावर येऊन पोचली आहे, अर्जुन आणि रेवथी यांच्या मैत्रीचे रूपांतर प्रेमात झाले आहे. पण आता कार्तिकच्या येण्यामुळे मालिकेने वेगळे वळण घेतले असून अर्जुन आणि रेवथी यांच्या प्रेमात अडथळा पाहायला मिळतो आहे. (Actress Usha Naik)

आता मालिकेत एन्ट्री होणार आहे भद्राक्काची. भद्राक्काच्या भूमिकेत उषा नाईक या दमदार अभिनेत्री पाहता येणार आहेत. उषा नाईक यांनी विविध चित्रपट आणि मालिका यांमधून आपल्या अभिनयाची झलक प्रेक्षकांना दाखवली आहे. आता एका  वेगळ्या भूमिकेत त्या प्रेक्षकांसमोर येणार आहेत. मालिकेतील त्यांच्या वेषभूशेबद्दल प्रेक्षकांमध्ये चर्चा होईल यात काही शंका  नाही. भद्राक्का ही रेवथीच्या अप्पांची बहीण आहे, ती कोकटनूरांच्या घरी आल्यानंतर आप्पांचाही थरकाप उडाला आहे.  भद्राक्काच्या येण्याने वाड्यात कोणते नवीन वादळ येणार?, हे पाहणे आता उत्सुकतेचे ठरणार आहे?. रेवथी आणि अर्जुन यांच्या आयुष्यात भद्राक्काच्या येण्याने काय बदल होतील?, हे पाहणे औक्युत्साचे ठरणार आहे. यातील भद्राक्काची वेशभूषाही वेगळी आहे. मराठी रांगडा गडी अर्जुन आणि कानडी भाषिक रेवथी यांच्या या प्रेमकहाणीमध्ये काही नवे आश्चर्यकारक बदल होतात का? यासाठी चाहत्यांची उत्सुकता शिगेला पोहाचली आहे.

रेवथी आणि अर्जुन यांच्या आयुष्यात भद्राक्काच्या येण्याने काय बदल होतील, हे आता पाहता येईल. ही मालिका मराठी आणि कानडी यांच्यामधल्या प्रेमावर भाष्य करते आहे, आणि त्यामुळे मराठी आणि कानडी भाषिक ही मालिका आवडीने पाहत आहेत.(Actress Usha Naik)

===================================

हे देखील वाचा: ‘मी होणार सुपरस्टार जल्लोष ज्युनियर्सचा’च्या मंचावर अंकुश चौधरीला अश्रू अनावर 

===================================

दिवसेंदिवस या मालिकेच्या लोकप्रियतेत वाढ होत आहे. मराठी रांगडा गडी अर्जुन आणि कानडी भाषिक रेवथी यांच्या या प्रेमकहाणीमध्ये काही नवे आश्चर्यकारक बदल पाहायला मिळताहेत का? आता ही मालिका काय रंजक वळण घेणार याकडे प्रेक्षकांचं लक्ष लागलं आहे.