Jawan Teaser: शाहरुख खानच्या बहुप्रतीक्षित ‘जवान’ सिनेमाचा धमाकेदार टीजर रिलीज
शाहरुख खानच्या बहुप्रतिक्षित ‘जवान‘ चित्रपटाचा टीझर अखेर रिलीज झाला आहे. या सिनेमाचा टीझर रिलीज होताच त्याला जबरदस्त प्रतिसाद मिळताना सुद्धा दिसत आहे. जबरदस्त अॅक्शन, लूक आणि उत्कृष्ट संवादाने सजलेला हा टीझर पाहून किंग खान या चित्रपटातून ‘पठाण’ चित्रपटाचा विक्रम मोडणार असल्याचे अंदाज प्रेक्षकांनी बांधायाला सुरुवात केली आहे. या चित्रपटाच्या टीझरच्या शेवटी एक असा सीन आहे ज्यामुळे चाहत्यांचे आश्चर्याचा धक्का बसला आहे. या चित्रपटाच्या शेवटी शाहरुख खान अशा लूकमध्ये दिसला जो आजपर्यंत कोणीही पाहिला नव्हता.टीजर मध्ये शाहरुख खान अॅक्शन करताना दिसत असून शाहरुख खानचा लूक खूपच अप्रतिम दिसत आहे. अॅक्शन आणि सस्पेन्सने भरलेल्या या चित्रपटाच्या २.१२ मिनिटांच्या टीझरमध्ये शाहरुखचे अनेक लूक दिसत असलेआणि टीझरच्या क्लायमॅक्समध्ये दाखवण्यात आलेला लूक खूपच भन्नाट आहे.(Jawan Teaser)
टीझरमध्ये शाहरुख खान एका सैनिकाच्या भूमिकेत दिसत आहे. जवान या चित्रपटात तुम्हाला शाहरुख खानचे अनेक लूक पाहायला मिळतील त्याचबरोबर टीझरमधील बॅकग्राऊंड म्युझिक खूपच भन्नाट आहे.या टीझरमध्ये शाहरुख खानच्या बोल्ड लूकची झलक तर दाखवण्यात आलीच, पण या लूकमध्ये किंग खान डान्स ही करताना दिसला. विशेष म्हणजे मेट्रोच्या आत ‘बेकरार कर के हमे यू ना जाइये ‘ या जुन्या गाण्यात हा डान्स पाहायला मिळत आहे.शाहरुखने आपल्या ट्विटर हँडलवर त्याच्या या धमाकेदार सिनेमाचा टीझर शेअर केला आहे. टीझर शेअर करताना त्याने लिहिलं, ‘मी कोण आहे, कोण नाही, जाणून घ्यायला तयार आहे? #JawanPrevue आऊट, जवान हिंदी, तमिळ आणि तेलुगू मध्ये 7 सप्टेंबर 2023 रोजी जगभरात प्रदर्शित होणार आहे.
या चित्रपटाचे दिग्दर्शक एटली कुमार आहेत. यात दाक्षिणात्य अभिनेत्री नयनतारा मुख्य भूमिकेत आहे. हा चित्रपट 200 कोटींच्या बजेटमध्ये बनवण्यात आला आहे.शाहरुख खानचा ‘जवान’ हा चित्रपट ७ सप्टेंबररोजी चित्रपटगृहात प्रदर्शित होणार आहे. या चित्रपटात शाहरुखसोबत दीपिका पदुकोण आणि नयनतारा मुख्य भूमिकेत आहेत.(Jawan Teaser)
============================
हे देखील वाचा: Salaar Teaser Out: प्रभास च्या बहुचर्चित ‘सालार’ सिनेमाचा टीजर आउट
============================
चाहत्यांमध्ये ‘जवान’चा टीजर पहिल्यापासून प्रचंड क्रेझ आहे. कारण ‘पठाण’ चित्रपटाच्या जबरदस्त कलेक्शननंतर या चित्रपटाकडून खूप अपेक्षा आहेत.आता प्रेक्षक या सिनेमाच्या ट्रेलर ची आतुरतेने वाट पाहत आहेत.
