Karishma Kapoor : संजय कपूरची ३० हजार कोटींची प्रोपर्टी कुणाला
वरुण धवनचा ‘बेबी जॉन’ सिनेमा ‘या’ दिवशी होणार प्रदर्शित; अभिनेत्याने पोस्ट शेअर करत दिले अपडेट्स
वरुण धवनचा बहुप्रतीक्षित अॅक्शन थ्रिलर चित्रपट ‘बेबी जॉन‘ जो आधी 31 मे 2024 रोजी प्रदर्शित होणार पण नंतर तो पुढे ढकलण्यात आली होता. आता त्याच्या प्रदर्शनाची नवी तारीख जाहीर झाली आहे. निर्मात्यांनी चित्रपटाच्या नवीन रिलीज डेटबद्दल अपडेट्स शेअर केले आहेत. तसेच अभिनेता वरुण धवननेही या चित्रपटाचे पोस्टर सोशल मीडियावर शेअर केले आहे. या चित्रपटात वरुण धवनचा कधीही न पाहिलेला अवतार प्रेक्षकांना पाहायला मिळणार आहे. विशेष म्हणजे बॉक्स ऑफिसवर वरुण धवनच्या बेबी जॉनला आमिर खानच्या ‘तारे जमीन पर‘ या कमबॅक सिनेमाशी स्पर्धा करावी लागणार आहे. ‘बेबी जॉन’चे निर्माते एटली, त्यांची पत्नी प्रिया, मुराद खेतानी आणि ज्योती देशपांडे यांना त्यांच्या चित्रपटातील व्हिज्युअल इफेक्ट्स आणि अॅक्शन सीन्समध्ये कोणतीही कसर सोडायची नव्हती, म्हणून त्यांनी चित्रपटाच्या प्रदर्शनाची तारीख पुढे ढकलण्याचा निर्णय घेतला.(Varun Dhawan Baby John Movie Poster)
‘बेबी जॉन‘ प्रेक्षकांच्या अपेक्षा पूर्ण करू शकेल, यासाठी टीमला छोट्या छोट्या गोष्टी पूर्ण करण्यासाठी अतिरिक्त वेळ हवा असल्याचे सांगितले जात आहे. ख्रिसमस रिलीज ही यासाठी योग्य वेळ आहे कारण त्यावेळी प्रत्येकजण सुट्टीच्या मूडमध्ये असतो. वरुणने या त्याच्या चित्रपटाचे नवे पोस्टर इन्स्टाग्रामवर शेअर केले आहे. पोस्टरमध्ये त्याने हातात चाकू धरला आहे. त्याच्या चेहऱ्यावर राग स्पष्ट दिसत आहे. ही पोस्ट शेअर करत त्याने कॅप्शनमध्ये लिहिले की, ‘यावर्षी ख्रिसमस आणखी मजेदार असणार आहे. २५ डिसेंबरला ‘बेबी जॉन‘ प्रदर्शित होण्यासाठी सज्ज व्हा,’. या चित्रपटाच्या माध्यमातून कीर्ती सुरेश हिंदी चित्रपटसृष्टीत पदार्पण करत आहे. याशिवाय वामिका गब्बी देखील या चित्रपटात महत्त्वाच्या भूमिकेत दिसणार आहे. याशिवाय जॅकी श्रॉफ आणि राजपाल यादव देखील या चित्रपटात दिसणार आहेत.
‘बेबी जॉन’ हा चित्रपट आता २५ डिसेंबर २०२४ रोजी प्रेक्षकांच्या भेटीला येणार आहे. या चित्रपटाची थेट टक्कर आमिर खानच्या ‘तारे जमीन पर’ या चित्रपटाशी होणार आहे. हा चित्रपटही यंदा ख्रिसमसला चित्रपटगृहात येणार आहे. मात्र, प्रदर्शनाच्या तारखेबाबत अद्याप कोणतीही अधिकृत घोषणा करण्यात आलेली नाही. या चित्रपटात आमिरसोबत जेनेलिया डिसूझा ही झळकणार आहे. आमीर सध्या या चित्रपटाच्या चित्रीकरणात व्यस्थ आहे. ‘तारे जमीन पर’ची कथा डाऊन सिंड्रोमवर केंद्रित असणार आहे. हा चित्रपट प्रदर्शित झाल्यानंतर आमीर खानला डाऊन सिंड्रोमबद्दल चर्चा ही सुरू करायची आहे.(Varun Dhawan Baby John Movie Poster)
===================================
===================================
वरुणच्या आगामी प्रोजेक्ट्समध्ये ‘सनी संस्कारीची तुलसी कुमारी‘ आणि ‘सिटाडेल : हनी बन्नी’ यांचाही समावेश आहे. वरुण धवन याआधी नितेश तिवारी दिग्दर्शित रोमँटिक ड्रामा ‘बावल‘ मध्ये दिसला होता, ज्यात जान्हवी कपूर मुख्य भूमिकेत होती. गेल्या वर्षी २१ जुलै रोजी हा चित्रपट अॅमेझॉन प्राईम व्हिडिओवर प्रदर्शित झाला होता. हॉरर कॉमेडी ‘मुंज्या’मध्येही त्याने कॅमिओ केला होता.