“Tesla आणलीत, पण चांगले रस्ते केव्हा आणणार?” Actor Shashank Ketkar
Hemant Dhome ‘फसक्लास दाभाडे’ सिनेमाच्या निमित्ताने हेमंत ढोमेने शेअर केली खास पोस्ट
येत्या शुक्रवारी मराठीमधील अतिशय चर्चित आणि बहुप्रतीक्षित असा ‘फसक्लास दाभाडे’ (Fussclass Dabhade) हा सिनेमा प्रदर्शित होत आहे. हेमंत ढोमे (Hemant Dhome) दिग्दर्शित या सिनेमाची प्रेक्षकांमध्ये खूपच चर्चा असून उत्सुकता देखील बरीच दिसून येत आहे. आता हेमंतचा सिनेमा म्हटल्यावर नक्कीच त्यात काहीतरी वेगळे आणि मजेशीर पाहायला मिळणार या विचाराने प्रेक्षकांमध्ये जरा जास्तच आतुरता दिसून येत आहे. (Hemant Dhome)
तीन वेगळ्या स्वभावाची भावंडं, त्यांना कायम सांभाळून घेणारी आई, प्रेम, लग्न या सगळ्या गोष्टीं ‘फसक्लास दाभाडे!’ या सिनेमामध्ये प्रेक्षकांना पाहायला मिळणार आहेत. हेमंत ढोमे दिग्दर्शित हा सिनेमा २४ जानेवारी २०२५ रोजी प्रदर्शित होणार आहे. आता या सिनेमाची संपूर्ण टीम सिनेमाच्या प्रमोशनमध्ये व्यस्त आहे. नुकतेच सिनेमाच्या टीमने जेजुरीला जाऊन खंडोबाचे आशीर्वाद घेतले. यानंतर हेमंतने त्याचा आणि क्षितीचा जेजुरी येथील एक फोटो शेअर करत सोशल मीडियावर एक पोस्ट लिहिली आहे. सध्या त्याची ही पोस्ट खूपच व्हायरल होत आहे. (Entertainment mix masala)
हेमंत त्याच्या पोस्टमध्ये लिहिले, “यळकोट यळकोट जय मल्हार! चलचित्र मंडळी या आपल्या निर्मिती संस्थेचा चौथा चित्रपट ‘फसक्लास दाभाडे’ परवा पासून तुमच्या भेटीला येतोय… म्हणजे माझं आणि क्षितीचं चौथं बाळ! (Social News)
हे बाळ आमच्यासाठी जरा स्पेशल आहे… कारण हे आपल्या मातीतलं आहे… रांगडं आहे अस्सल आहे… पण खूप मायाळू आहे! याआधी आमच्या तीनही बाळांना तुम्ही खूप प्रेम दिलंत… अंगा खांद्यावर खेळवलंत! तसंच किंवा त्याहून अधिक प्रेम तुम्ही या बाळावर कराल याची खात्री आहे!
A post shared by Hemant Dhome | फसक्लास ढोमे (@hemantdhome21)
आपण आख्ख्या फॅमिली सोबत सिनेमा बघणं हळूहळू विसरत चाललो आहोत… त्याला अनेक कारणं आहेत, पण फसक्लास दाभाडे हा सिनेमा तुम्हाला तुमच्या सख्या-चुलत-मानलेल्या सगळ्या कुटुंबासोबत एकत्र बसून बघता येईल आणि तुमचं भरघोस मनोरंजन होईल असाच बनवला आहे… तेव्हा तुम्हाला तुमच्या कुटुंबाला एकत्र घेऊन जायचं आहे! (Latest Marathi Movies)
हा सिनेमा म्हणजे आमच्या कुटुंबाकडून तुमच्या कुटुंबाला मारलेली मायेची घट्ट मिठी आहे! आता एकत्र यावंच लागतंय! २४ जानेवारी पासून तुमच्या जवळच्या, लांबच्या कुठल्याही चित्रपटगृहात जाऊन आपल्या कुटुंबाचा हा सिनेमा नक्की बघा! आणि तुमचं आमचं नातं असं आहे की जे काही वाटलं ते हक्काने सांगा! चांगभलं!!!”
==========
हे देखील वाचा : Rashmika Mandanna महाराणी येसूबाईंच्या अवतारातील रश्मिका मंदानाचे ‘छावा’ सिनेमातील फोटो व्हायरल
Akshaye Khanna छावा सिनेमात औरंगजेबाची भूमिका साकारणाऱ्या ‘या’ अभिनेत्याला ओळखले का?
==========
दरम्यान हेमंत ढोमे लिखित, दिग्दर्शित या चित्रपटात क्षिती जोग, सिद्धार्थ चांदेकर, अमेय वाघ, निवेदिता सराफ, हरिष दुधाडे, राजन भिसे, राजसी भावे यांच्या प्रमुख भूमिका आहेत. या सिनेमाचे एक मुख्य वैशिष्ट्य म्हणजे या चित्रपटाच्या निमित्ताने सिद्धार्थ चांदेकर आणि त्याची पत्नी मिताली मयेकर पहिल्यांदाच रुपेरी पडद्यावर एकत्र काम करताना दिसणार आहेत.