Prateik Smita Patil : “….नाहीतर आज फरहान अख्तर माझा सावत्र भाऊ असता”
मराठीसह हिंदी चित्रपटसृष्टी गाजवणाऱ्या अभिनेत्री स्मिता पाटील (Smita Patil) फार लवकरच सिनेसृष्टीतून गेल्या. अतिशय कमी काळासाठी खरं तर त्यांनी चित्रपटसृष्टीत काम केलं पण जितक्या भूमिका किंवा चित्रपट केले ते आजही रसिक प्रेक्षकांच्या मनात अजरामर आहेत. स्मिता पाटील यांनी अनेक कलाकारांसोबत स्क्रिन शेअर केली. ७० च्या दशकात स्मिता यांनी शबाना आझमी यांच्यासोबत काम केलं आहे. इतकंच नाही तर या दोन्ही अभिनेत्रींमध्ये स्पर्धा देखील पाहायला मिळाली होती. मात्र, सहकलाकार असूनही त्यांच्यात घट्ट मैत्रीदेखील होती. नुकत्याच एका मुलाखतीमध्ये स्मिता पाटील यांचा मुलगा प्रतीक याने शबाना आझमींबद्दल एक रंजक माहिती सांगितली आहे. (Entertainment)
प्रतीक स्मिता पाटील (Smita Patil) याने नुकतीच झूमला मुलाखत दिली. या मुलाखतीत प्रतीक म्हणाला की, “मला अलीकडच्या काळात समजले की माझ्या आईच्या निधनानंतर शबाना आझमी (Shabana Azmi) आणि जावेद अख्तर (Javed Akhtar) यांना मला दत्तक घेण्याची इच्छा होती. पण, ते थोडे गुंतागुंतीचं होतं. मात्र, तर का तसं झालं असतं तर आज मी फरहान अख्तरचा (Farhan Akhtar) सावत्र भाऊ असतो. कधी कधी मी विचार करतो कीजर जावेद अख्तर व शबाना आझमी यांनी मला दत्तक घेतलं असतं, तर आज माझं आयुष्य कसं असतं माहीत नाही.”(Bollywood trending news)
पुढे प्रतीक म्हणाला की, “माझ्या लहानपणीच्या बऱ्याच गोष्टी ऐकल्या आहेत. माझ्या आईबरोबर काम करणाऱ्या सर्व सहकाऱ्यांच्या मनात माझ्याबद्दल प्रेम होतं. माझ्या आईला जे प्रेम मिळालं, त्याबद्दल खरंच मी कृतज्ञ आहे. आईबरोबर काम करणाऱ्या सर्व सहकाऱ्यांच्या मनात माझ्याबद्दल सद्भावना होत्या आणि शबानाजी त्यापैकी एक होत्या. अमिताभ बच्चन (Amitabh Bachchan) यांनीही खूप प्रेम आणि पाठिंबा दिला होता. मला वाटतं की आईबरोबर ज्या दिग्गज कलाकरांनी काम केलं ते सर्वच कलाकार मग नसिरुद्दीन साहेब (Naseruddin Shah) , रत्ना पाठक, श्याम बेनेगल हे सर्वच कलाकार खूप चांगले आहेत, तो काळच वेगळा होता”.(Bollywood old movies)
================================
हे देखील वाचा: Prateik Smita Patil : आता बब्बर नाही ‘प्रतीक स्मिता पाटील’ म्हणायचं!
=================================
दरम्यान, स्मिता पाटील यांच्या कामाबद्दल खरं तर विशेष ओळख करुन देण्याची गरज नाही. त्यांनी ‘उंबरठा’, ‘जैत रे जैत’, ‘सामना’, ‘मंथन’, ‘भूमिका’, ‘आक्रोश’, ‘बाजार’, ‘अर्थ’, ‘नमक हलाल’, ‘आज की रात’, ‘गिध’, ‘तरंग’ अशा अनेक चित्रपटांमध्ये उल्लेखनीय कामं केली. (Smita Patil movies)