Hrithik Roshan साऊथ मध्ये पदार्पण करत KGF 3 मध्ये व्हिलन साकारणार?
प्रेक्षकांना सध्या हिंदीपेक्षा साऊथ चित्रपटांनी आणि त्यातही साऊथ अॅक्शन चित्रपटांनी विशेष भूरळ घातली आहे. गेल्या काही वर्षांपासून खरं तर भारतीय कलाकार विविध भाषेतील चित्रपटांमध्ये विविधांगी भूमिका साकारताना अधिक दिसत आहेत. पूर्वी दाक्षिणात्य चित्रपटांमध्ये पाहुण्या कलाकाराची भूमिका साकारणारे बॉलिवूड स्टार्स आता साऊथ इंडस्ट्रीत महत्वाच्या भूमिका करताना दिसत आहेत. आता या कलाकारांच्या यादीमध्ये बॉलिवूडचा सुपरस्टार ह्रतिक रोशन (Hrithik Roshan) याचेही नाव जोडले गेले आहे. कन्नड चित्रपटसृष्टीतील आघाडीची निर्मिती संस्था असणाऱ्या Hombale Films ने याविषयी महत्वाची घोषणा केली आहे. दरम्यान, या निर्मिती संस्थेने ‘KGF’ फ्रँचायझी आणि ‘कांतारा’सारखे चित्रपट दिले आहेत.
तर, ‘होंबळे फिल्म्स’ने याविषयी सोशल मिडियावर एक पोस्ट शेअर केली आहे. यात ह्रतिक रोशनबद्दल लिहिले आहे की, ‘त्याला ग्रीक गॉड म्हणतात. त्याने प्रेक्षकांच्या मनावर अधिराज्य केले, मर्यादा तोडल्या आणि तो खरोखर कसा आहे हे आम्ही पाहतोय! हृतिक रोशनचे होंबळे फिल्म्सच्या कुटुंबात स्वागत करताना आम्हाला अभिमान वाटतो. जिद्द, भव्यता आणि वैभवाची एक कहाणी उलगडणार, ज्यामध्ये तीव्रता आणि कल्पनाशक्तीचा मिलाफ पाहायला मिळेल, बिग बँगची सुरुवात झाली आहे.’ आता या पोस्टमुळे आगामी KGF 3 मध्ये ह्रतिक थेट यश सोबत दिसणार का अशा चर्चा जोर धरु लागल्या आहेत.
================================
=================================
दरम्यान, ह्रतिक रोशन आगामी ‘वॉर 2’ (War 2) मध्ये दाक्षिणात्य अभिनेता ज्युनिअर एनटीआरशी आमना सामना करताना आहे. अयान मुखर्जी दिग्दर्शित या चित्रपटात कियारा आडवाणीही मुख्य भूमिकेत आहे. १४ ऑगस्ट २०२५ रोजी हा चित्रपट देशभरात प्रदर्शित होणार आहे. (Hrithik Roshan movies)