Ajay Devgan याला भर रस्त्यात मारहाण?; शर्टाची कॉलर पकडून…

फिल्मी इंडस्ट्रीतील सिंघम अर्थात अभिनेता अजय देवगण (Ajay Devgan) त्याच्या पर्सनॅलिटीमुळे कायम चर्चेत असतो… मितभाषी असणाऱ्या अजयच्या चेहऱ्यावर कायमच गंभीर हावभाव पाहायला मिळतात… काही महिन्यांपूर्वीच सोशल मिडियावर अजय देवगणला बेदम मारहाण झाल्याचा व्हिडिओ व्हायरल झाला होता.. यात अजयच्या शर्टाची कॉलर पकडून त्याला मारल्याचं दिसत होतं… आता नेमकी या व्हिडिओचं सत्य काय हा जाणून घेऊयात…

अजय देवगण हा बॉलिवूडचे स्टंटमॅन वीरु देवगण यांचा मुलगा… त्यामुळे लहानपणापासूनच स्वत: देखील स्टंट अजय करत आलाच.. अशातच सोशल मिडियावर अजयला मारल्याचा व्हिडिओ व्हायरल झाल्यामुळे हा पब्लिसिटी स्टंट आहे की काय असा प्रश्न सगळ्यांना पडला… परंतु, सोशल मिडियावरील हा व्हिडिओ फेक असून अजय देवगणसारख्या हुबेहुब दिसणाऱ्या तरुणाला दिल्लीत एका पबबाहेर मारहाण करण्यात आली होती… अजयच्या टीमने त्या व्हिडिओबद्दल स्पष्टीकरण देत त्या व्हिडिओतील व्यक्ती अजय नसून कुणीतरी भलतीच व्यक्ती असल्याचं म्हटलं होतं, शिवाय वर्षभरापासून दिल्लीत अजयने पाऊलही ठेवलं नसल्याचं टीमने सांगितलं होतं…

आता कलाकार म्हटलं की असे व्हायरल व्हिडिओ आलेच… आणि त्यात सिंघम (Singham) सारखी पर्सनॅलिटी असेल तर शंका येणारच.. शिवाय, रणवीर अलाहबादियाला दिलेल्या एका मुलाखतीत अजयने गाडीत हॉकी स्टिक तो ठेवत असल्याची कबूली दिली होती. आता त्याचा राग शांत झाल्याचं सांगत भांडण किंवा वाद करण्याचं तो टाळतो असंही त्याने म्हटलं होतं…

================================

हे देखील वाचा : Ajay Devgan : ‘सन ऑफ सरदार २’ मधील आणखी एका गाण्यामुळे अजय झाला ट्रोल!

================================

दरम्यान, अजय देवगण नुकताच ‘आझाद’, ‘दे दे प्यार दे २’, ‘रेड २’, ‘सन ऑफ सरदार २’ मध्ये झळकला होता… याव्यतिरिक्त लवकरच त्याचे दृश्यम ३, गोलमाल ५ आणि धमाल ४ हे चित्रपट रिलीज होणार आहेत… इतकंच नाही तर शैतान २ देखील लवकरच प्रेक्षकांच्या भेटीला येणार आहे… त्यामुळे २०२५ प्रमाणेच २०२६ हे वर्ष देखील अजय देवगणच्या सीक्वेल्सचा असणार असा अंदाज आहे…

Get Latest Marathi Entertainment update | Movies Reviews in Marathi | Celebrities Update in Marathi